جانجوڑی نا بابت کل آسراتی تا فراوانی کن عملی گام گیج ہرفنگک‘ ڈی سی ہرنائی

ہرنائی : ڈپٹی کمشنر ہرنائی محمد عارف زرکون نا کماشی ٹی ڈسٹرکٹ ہیلتھ کمیٹی نا دیوان اڈ ہلک۔ ہراٹی ڈسٹرکٹ ہیلتھ افیسر ڈاکٹر فیاض احمد، میڈیکل سپرٹینڈنٹ ڈاکٹر مظفر مری، ڈی۔ایس۔ایم پی۔پی۔ایچ۔ائی قاہر خان، ڈسٹرکٹ اکاونٹ افیسر یوسف علی و ایلوفک بشخ ہلکر۔ ڈپٹی کمشنر محمد عارف زرکون دیوان آن تران کرسا پارینے کہ جانجوڑی نا بشخ انسانی زند انا سلامی کن اہمیت تخک۔ دانا اہمیت ءِ خنسا دانا کارکڑد آ ہچ ءُ ڈیوالئی اس سگپنہ۔ او پارینے کہ اُلس ءِ جانجوڑی نا بابت کل آسراتی تا فراوانی کن عملی گام گیج ہرفنگک۔ تانکہ وخت اس ہم ایمرجنسی یا دین اسے نا تالانی نا حالیت اٹ اوڑتون وخت آ مون تننگ کیر۔ ڈپٹی کمشنر محمد عارف زرکون مستی پارینے کہ محمکہ جانجوڑی نا کارکڑد ءِ جوان کننگ کن ڈاکٹر و ایلو اسٹاف ءِ تینا فرض آتے جوان وڑاٹ پورو کروئی تمک۔ تانکہ اُلس ءِ جانجوڑی نا بابت ہچ ءُ ویل اس مون تروک مف۔

(خ ن)