جیل بھرو تحریک، پارٹی راہشونک تینٹ بندی تا وین اٹ توسر

لاہور : پاکستان تحریک انصاف (پی ٹی آئی) نا جیل بھرو تحریک نا بنا ٹی وائس چیئرمین شاہ محمود قریشی و جنرل سیکرٹری اسد عمر تون اوار چندی راہشونک دزگیری تسر۔ لاہور اٹ کیپیٹل سٹی پولیس آفیسر (سی سی پی او) آفس اٹ پی ٹی آئی نا چندی راہشون و کارندہ غاک بندی تا گاڈی ٹی سوار مسر و بندی تا وین نا چھت آ لگار‘ دزگیری تروک آتے ٹی اسدعمر‘ سرفراز چیمہ، اعظم سواتی وایلوفک اوار ءُ‘ دا بابت پولیس پارے کہ نن اوفتے دزگیر کتنن‘ اوفک تینٹ بندی تا وین اٹ توسر‘ ننے حکومت نا کنڈآن دزگیرکننگ نا پرمان رسینگتنے‘ پولیس کارندہ غاتتون اوار کل ءِ سی سی پی او آفس اٹ پترینگ آن تورے‘ ہراکان گڈ پی ٹی آئی نا کارندہ غاک سی سی پی او آفس نا پیشن آ لیٹار۔ پی ٹی آئی راہشون وکارندہ غاک پولیس ءِ دزگیرکننگ ناپاریر‘ کارندہ غاک وین آ سوار مرسا سیلفی ہلسا کریر۔ پی ٹی آئی نا سوشل میڈیا اکاؤنٹ آن ہم دزگیری تروک راہشون تا سیلفی جاری کننگانے۔ اوکان گڈ تحریک انصاف نا چندی کارندہ غاک پولیس وین آن دڑنگار و سی سی پی او آفس آن پدی چیئرنگ کراس نا کنڈآ ہنار

(مانیٹرنگ ڈیسک)