طورخم بارڈر پدریسہ مسٹمیکو دے آ ہم بند ئس

پشاور: پاکستان و اوغانستان نا سیمی کمامدارآتا نیام اٹ مذاکرات نا بناکننگ اٹی تعطل بننگ نا سوب آن طورخم بارڈر سے شنبے نا دے آ پدریسہ مسٹ میکو دے آ ہم بند ئسک۔ سرجم حوال آتا رداٹ اسسٹنٹ کمشنر ارشاد مومند پارے کہ اگہ اوغانستان نا کنڈان سیم ءِ دُوارہ ملنگ نا باضابطہ درخواست کننگا تو او اسہ گام اس مون آ ہرفنگ کن تیار ءُ، اوغان حکومت اسہ کنڈی وڑاٹ بارڈر کراسنگ ءِ بند کرے و اگہ او سیم ءِ دُوارہ ملنگ خواہک تو اصولی وڑاٹ ہیت وگپ نا او بناءِ کیرہ۔ اوپارے کہ دوشنبے نا سم کاری نا واقعہ غان پد سیم آ تعینات ودکی فورس آتے پدی بٹنگ انگاسس وخت اس کہ اوغانستان ہم سے شنبے نادے آ تینا کمک ءِ پدی بٹنگسا ردعمل تس۔