آبادی ءِ توننگ کن نیاڑی تے واکدار کروئی تمک، ربابہ بلیدی

کوئٹہ :  پارلیمانی سیکرٹری کانود و پارلیمانی امور سائنس اینڈ انفارمیشن ٹیکنالوجی ڈاکٹر ربابہ خان بلیدی پارینے کہ ترندی ٹی ودوک آ آبادی ءِ پائیدار کہول اسکان اتنگ کن نیاڑی تے بااختیار کننگ المی ءِ۔ ملک اٹ48 درسد نیاڑیک ناخواندہ ءُ،79 درسد افرادی قوت نا بشخ اسے۔ نیاڑی تا آبادی آن بیرہ 10 درسد نیاڑیک تینا جانجوڑی نا بارواٹ تینٹ فیصلہ کیک۔ تدوک آ دے ہندی ہوٹل اٹ آبادی نا جہانی عالمی دے نا بابت اٹ یو این ایف پی اے و محکمہ بہبود آبادی حکومت بلوچستان نا کمک اٹ اڈ ہلوک سیمینار آن تران کرسا ڈاکٹر ربابہ خان بلیدی پارینے کہ “صنفی بریبری نا بابت اٹ ہننگے تو گلوبل جینڈر گیپ انڈیکس 2202 نا درجہ بندی ٹی پاکستان شیفکو درجہ غاتیان ءِ۔ ہرانا مطلب دادے کہ پاکستان اٹ صنفی بریبری نا شرح بھاز کم ءِ۔ پاکستان صنفی عدم بریبری ہندا سوب آن زیات شیف ءِ کہ ملک اٹ بیرہ21 درسد نیاڑی لیبر فورس نا بشخ اسے۔ وخت اس کہ قومی اسمبلی اٹ نیاڑی تا سیٹ آتا شرح ہم کم ءِ۔

(آن لائن)