وڈھ انا حالیت آتا بابت گڑتیک پک مسر، غلام نبی مری

کوئٹہ : بلوچستان نیشنل پارٹی نا باسک سنٹرل ایگزیکٹیو کمیٹی و ضلعی صدر کوئٹہ غلام نبی مری و ضلعی کابینہ تینا بیان اٹ وڈھ انا حالیت آتیا ہیت وگپ کرسا پارینے کہ تو اسے آن نن ریاستی ادارہ غاتے وڈھ انا حالیت آتا بابت تینا فریشانی تیان معلومدار کرسا کرینہ دا بابت اٹ نن پہیہ جام ہڑتال، برانزی ریلی و شٹر ڈاؤن ہڑتال کرسا دہشت گرد ڈل انا کاریم تے پاش کننگ نا پدریسہ کوشست کرین ولے کس اسے آ ہچ پرواہ ہم متو۔ تدوک آ دے آن وڈھ اٹ دہشت گرد ڈیتھ سکواڈ نا کنڈآن سم کاری کرسا شار اٹ خلیس اس تالان کننگانے۔ بازار و دکانک بند مسر ہراڑان اُلس بھاز فریشان ءِ۔ ہراڑان اُلس اٹ فریشانی اس تالان مس۔ حوال نا رداٹ او مستی پارینو کہ اُلس جمہوریت آ پام تخک ہرانا شاہدی ءِ صوبائی و بنجائی اسمبلی ٹی ننا پارٹی نا کماش آتون اوار ننا نمائندہ غاتا ساڑی گری ءِ۔ بی این پی نا موقف اصولی و حق اتون گنڈوک ءِ۔ ہرادے بلوچستانی اُلس نا گیشتری نا مخ تفی دوئی ءِ۔

(آن لائن)