شہری ایکشن کمیٹی مچھ انا دیوان، منشیات نا برخلاف ریلی آ سجفنگا
Get real time updates directly on you device, subscribe now.
مچھ: شہری ایکشن کمیٹی مچھ انا دیوان چیئرمین حافظ صدیق سمالانی نا کماشی ٹی اڈ ہلک۔ دیوان اٹ شہری ایکشن کمیٹی مچھ انا جنرل سیکرٹری خدائے رحیم بلوچ کمامدار آک جنرل کونسلر ایم سی مچھ مولانا عبدالصمد شاہوانی کونسلر یوسی محمد صادق راہیجہ ملک نثار زہری محمد حسن مینگل نصراللہ کاکے حاجی محمد بقاء سمالانی و ایلو کمامدار آک بشخ ہلکر۔ دیوان اٹ شہری ایکشن کمیٹی مچھ انا کنڈآن منشیات نا برخلاف برانزی پروگرام ءِ پک کننگا۔ جتا جتا فیصلہ کننگا۔ ہرانا رداٹ اینو 21جولائی بیگہ نا 6 بجہ غا جامع مسجد چوک آن برانزی ریلی پیش تمک ہرا جیل روڑ آ سر مرسا دھرنا ایتک۔ ہراڑے بشخندارآتیان تینا خواست آتا درشانی ءِ کیرہ۔ دیوان اٹ مچھ پولیس نا تدوک آ دے تیٹی منشیات فروش و قمار باز آتا برخلاف روایتی و ڈرامائی انداز اٹ چھاپہ غاتے بیرہ فوٹو سیشن پن کرسا رد کرسا پارینے کہ منشیات فروش و قمار باز آتے چھاپہ نا ڈس ترسا نرہنگ نا وارخواہی تننگا۔
(نامہ نگار)