بایدے کولا کشوک آتے جانجوڑی نا بنداوی آسراتیک رسینگر‘سلطان محمد خان
Get real time updates directly on you device, subscribe now.
کوئٹہ: پاکستان سینٹرل مائنز لیبر فیڈریشن نا بنجائی سیکرٹری جنرل سلطان محمد خان پارینے کہ کولا نا کانڑ تیٹی کاریم کروک آ خواری کش آک جانجوڑی نا بنداوی آسراتی تیان زہمی ءُ۔ بلوچستان حکومت و محکمہ معدنیات بلوچستان کان کن آتے جانجوڑی نا آسراتی تا فراوانی ءِ پک کننگ کن مائننگ ایریا تیٹی سٹیٹ آف دی آرٹ مائنز لیبر ویلفیئر ڈسپنسری جوڑ کیر و کولا کشوک آتیکن موبائل ہیلتھ یونٹ ہم جوڑ کیر تانکہ علاقہ نا مائنز ورکر آتے جانجوڑی وخت آ رسینگے۔ دا خیال آتا درشانی ءِ او تدوک آ دے پاکستان سینٹرل مائنز لیبر فیڈریشن نا دیوان نا بشخندار آتیان تران کرسا کرے۔ سلطان محمد خان نا پاننگ ئس کہ کولا نا کانڑ تیٹی کاریم کروک آ ورکر آک کاریم نا وخت آ ہراتم ناجوڑ مریرہ تو دا علاقہ غاتیٹی مر مر اسکان ہچ ءُ آسراتی اس رسینگپک۔
(آن لائن)