لس گچین کاری تے کن ہر وڑ اٹ تیار اُن، الیکشن کمیشن کمامدار

گچین کاریک شست دے اٹ مریر، یا نوَد دے اٹ، نن سنبرینگوک اُن، سیاسی جماعت آتے فنڈ نشان تروئی تمک

0

Get real time updates directly on you device, subscribe now.

اسلام آباد : الیکشن کمیشن نا کمامدار آک پارینو کہ لس گچین کاری تیکن الیکشن کمیشن تیار ءِ‘ گچین کاریک شست دے اٹ مریر یا نوَد دے اٹ نن سنبرینگوک ان‘ ہر سیاسی جماعت کن کانود نا رد اٹ فنڈ انا ریکارڈ تخنگ المی ءِ‘ پندار کاغد‘ گوشوارہ غاتا سرجم‘ گچین کاری خڑچ آتا کمک اٹ پولیٹیکل فنانس نا معلومداری رسینگک‘گچین کاری خڑچ آتا ریٹرن ءِ ہم جمع کرفنگ المی مریک۔ ڈی جی پولیٹیکل فنانس الیکشن کمیشن مسعود میڈیا بریفنگ نا وخت آ پارے کہ پولیٹیکل فنانس ونگ انا مسخت سیاسی جماعت آتا فنانشنل ڈیٹا ءِ مچ کننگ و لس مخلوق ءِ معلومدار کننگ ءِ‘ پرسجو کن المی ءِ کہ کل ڈیٹا ساڑی مرے‘ او پارے کہ انٹرا پارٹی گچین کاری و گچین کاری نشان الاٹ کننگ ننا کاریم ءِ‘ فراوان کروک ڈیٹا نا نادرا و ایف بی آر تون اوارایلو ادارہ غاتا کمک اٹ جاچ ءِ ہلنگک۔ نادرا و اسٹیٹ بینک و ایس ای سی پی ءِ ڈیٹا تفنگپک بلکہ اوفتیان ہلنگک۔ الیکشن کمیشن اٹ 168 سیاسی جماعت رجسٹرڈ ءُ‘ ہر سیاسی جماعت نا سائز و ماڈل جتا جتاءِ‘ او پارے کہ سیاسی جماعت آتا تہہ انا اکاؤنٹ آتا جاچ ءِ ہلنگ کن چارٹر اکاونٹنٹ ءِ گائیڈ لائن تننگانے۔ کانود آ عملدرآمد کن سیاسی جماعت آک کٹیا نا وڑ و خڑچ آتا ریکارڈ ءِ تین تون تخر۔ انٹرا پارٹی گچین کاری تیان پد دستاویز آتے الیکشن کمیشن ءِ تننگک۔ گچین کاری نشان تیکن درخواست تننگک و کمیشن تینٹ فیصلہ کیک۔ داکان بیدس سیکرٹری الیکشن کمیشن عمر حمید میڈیا تون غیر رسمی ہیت وگپ کرسا پارینے کہ لس گچین کاری تیکن الیکشن کمیشن تیار ءِ۔

(آن لائن)

Get real time updates directly on you device, subscribe now.

Leave A Reply

Your email address will not be published.