وزیراعظم شہباز شریف و حمزہ شہباز منی لانڈرنگ کیس اٹ بری

لاہور : احتساب عدالت بھلو فیصلہ اس بنفسا وزیراعظم شہباز شریف و اونا صاحبزادہ مسکوہی وزیراعلیٰ پنجاب حمزہ شہباز ءِ منی لانڈرنگ مقدمہ ٹی بری کرے۔ احتساب عدالت نا جج قمرالزمان منی لانڈرنگ ریفرنس اٹ یلہ کننگ نا درخواست آتیا ڈک کروک فیصلہ ءِ بنفے۔ عدالت شہبازشریف، حمزہ شہباز و نصرت شہباز تون اوار ایلو دوبہ دار آتے یلہ کننگ نا درخواست آتے منظور کرے ولے پیشی آبفننگ آ اشتہاری گوندنگوک رابعہ نا پک دزگیری وارنٹ ءِ جاری کرے۔ عدالتی فیصلہ ٹی پاننگا کہ ریفرنس نا جاست پاست اٹ منی لانڈرنگ نا دوبہ پک مننگ کتو‘ دوبہ دار تیا 7 ارب روپئی منی لانڈرنگ نا دوبہ ئس۔ ریفرنس اٹ شہبازشریف، حمزہ شہباز، سلمان شہباز، رابعہ شہباز و نصرت شہباز تون اوار 16 دوبہ دار ءِ پندار کننگاسس۔ شریف خاہوت تون اوار ایلوفتیا 7 ارب 32 کروڑ آن زیات انا منی لانڈرنگ و غیر کانودی میرات جوڑ کننگ نا دوبہ خلنگاسس۔ شہباز شریف آ 5ارب آن زیات منی لانڈرنگ وغیرکانودی میرات جوڑ کننگ نادوبہ ئس وخت اس کہ حمزہ شہباز و سلمان شہباز آ اسہ ارب اسکان نا میرات و منی لانڈرنگ کننگ نا دوبہ ئس۔

(آن لائن)