پی ٹی آئی والاک (ن) لیگ اٹ بننگ کن منت کننگ ءُ، مریم نواز

راولپنڈی : پاکستان مسلم لیگ (ن) نا سینئر نائب صدر و چیف آرگنائزر مریم نواز پارینے کہ پی ٹی آئی نا بندغ آک مسلم لیگ (ن) اٹ بننگ کن منت کننگ ءُ‘کبینی نا زموار ساڑی حکومت اف‘ الس ءِ سماءِ کہ زرگزرانی بھسکاری و کبینی نا عذاب ءِ مسکوہی حکومت ایسنے‘ چار سال اٹ ہرا بھسکاری مسنے داڑان نجات دوئی کننگ کن منہ سال لگک۔ دا خیال آتا درشانی ءِ او دوشنبے نا دے پارٹی نا تنظیمی دیوان آن تران کرسا کرے۔ مریم نوازشریف پارے کہ نوازشریف بس تو کل گڑاک جوان مریرہ‘ داکان مست ہم مدام پراگندہ حالیت آتے ٹی ملک رسینگا ولے نوازشریف و شہباز شریف ڈلیور کریر و داسہ ہم قوم و ملک ءِ ویل آتیان کشرہ۔ مریم نواز پارے کہ پی ٹی آئی نا بندغ آک مسلم لیگ (ن) اٹ بننگ کن منت کننگ اٹی ءُ‘ عمران خان نا برخلاف مقدمہ غاک سیاسی بیرہلنگ نابنداو آ افس‘ دے ٹک و دے کی کل ءِ سماءِ کہ عمران خان ٹیریان نا باندات آ دروغ تڑینے و ٹیریان والا دروغ ءِ کیدنگ کپننگ ءِ و نئے اودے دروغ پک کننگ ءِ۔ توشہ خانہ ٹی عمران خان داڑیلی کرینے‘ فارن فنڈنگ اٹ عمران خان ڈوہدار پک مسنے۔ او پارے کہ تنظیم ءِ ہرکہول آ فعال کینہ‘ سوشل میڈیا، زالبول و یوتھ ونگ آتے پین بھلن کینہ‘ زالبول و ورناتے مونی اتینہ‘ ای گمری اٹ کہ کارندہ سے اٹ و کارندہ غاتتون اوار اٹ۔

(آن لائن)