آئین نا پلو ءِ ہلسا آئین ءِ پرغنگ نا گیگ مننگ ءِ، جاوید لطیف

اسلام آباد: وفاقی وزیر میاں جاوید لطیف نے آئین پرغوک آک ننے آئین نا سبخ ءِ تفس‘ آئین پرغوک آک آئین ناپلو ءِ ہلسا ہمو واردات ءِ کننگ خوارہ ہراڑان ریاست ءِ خطرہ مریک‘اینو جنرل یحیٰی نا کڑد ءِ عارف علوی سر تننگ آ خننگ انگ ءِ‘ ہدایتکار وکمکار آک عمران خان ءِ پورو کمک تننگ اٹی ءُ‘ نن کن ریاست و آئین مقدم ءِ‘ نن ریاست کن تینٹ قربانی تسونن۔ اسلام آباد اٹ پریس کانفرنس کرسا بنجائی وزیر پارے کہ بنسا بسونن کہ پاکستان تاریخ نا نازرک آ دور آن گدرینگ انگ ءِ‘ پاکستان ءِ بھس کروک آک اینو ہم آڈیو و ویڈیو تا کمک اٹ تینا ارادہ غاتا پوروی ءِ خوارہ‘ اگہ آڈیو ویڈیو تا کمک اٹ پسند مفروک وزیراعظم ءِ اینک کننگ مریک تو نم آڈیو ویڈیو تا کمک اٹ تینا است پسند بندغ ءِ اقتدار اٹ ہم اتنگ کیرے ولے آڈیو ویڈیو تے ٹی ریاست چلیفنگ کپیرے‘ ریاست اگہ ڈبینگا تو پین انت سلک‘ ہرافک آئین ءِ پرغانو ہموفک آئین نا پلو ءِ ہلسا ہمو کاریم تے کننگ خوارہ ہراڑان ریاست ءِ نسخان مریک۔ بلیک میلنگ اٹ ریاست و زرگزران چلیفنگ مفک‘ اینو جنرل یحییٰ نا کڑد ءِ عارف علوی سر تننگ آ خننگ انگ ءِ‘ نن تیناقربانی تے ریاست کن تسوسن‘ اینو ریاست ءِ تینکن قربان کننگ انگ ءِ‘ ہمو وخت آ اسہ بندغ اسے سزا تننگ کن ہرا جے آئی ٹی جوڑ کننگاسس اینو داسہ انتئے جوڑ مفننگ ءِ‘ اینو ناپنچ کڑدار کن جے آئی ٹی انتئے جوڑ مفک۔ ثاقب نثار مرے یا شیخ منیر دا لپ ءُ۔ قاضی فائز عیسیٰ، شوکت عزیز صدیقی، سیٹھ وقار آ نن گمر کینہ‘ منہ ٹولی اسے گلی کوچہ غاتے ٹی کشت وخون کننگ کن لانچ کننگ انگ ءِ۔ اوپارے کہ نم خوارے کہ جاست پاست غلام محمود ڈوگر کے وانصاف نمے ثاقب نثار ایتے۔ جے آئی ٹی بایدے داڑا جوڑ مرے کہ نت ءِ 35 روپئی آن 100 روپئی اسکان دیر درے۔ آڈیو لیکس آتیا جے آئی ٹی جوڑ مننگ کپک؟ نن کن ریاست و آئین مقدم ءِ۔ ریاست نا آئین کل آن زیات مریک‘ ملک اٹ کشت وخون نا چاگڑد ودی کننگ انگ ءِ‘ کنے تینا جان آن زیات ریاست واوکان پد اونا آئین دوست ءِ۔ عمران خان آ جلہو نا جاست پاست ءِ کننگے۔ جے آئی ٹی داگڑا غا ہم بایدے جوڑ مرے کہ ڈالر امر بڑزا ہنا‘ کل کڑدار آتا بے پردہ مننگ آن پد ہم نوازشریف آن انتئے بشخنداری کپننگ انگ ءِ۔ ہموفک ہدایتکار و ہمو بندغ آک اداکار ءُ‘ ہرافتا سوب آن 71 اٹ ملک پنا‘ ننا خون مسنے و داڑے خونی ءِ مدعی جوڑ کننگانے۔ اگہ او میر صادق و میر جعفر پاہے تو کس نوٹس ہلپک اینو انت کہ مننگ اٹی ءِ دا کل گڑاک ہدایتکار آتا کمک اٹ مننگ اٹی ءِ‘ اسہ ادارہ اس اگہ دا وخت آ اے پولیٹیکل ءِ تو اِرا ادارہ داسہ ہم کمکاری کننگ اٹی ءُ۔ نن تون معلومداری ارے کہ فیض ءِ امر لس کننگ انگ ءِ تو سویلین ءِ پورو واکدار کننگے تاکہ ملک ءِ چلیفنگ مرے یا گڑا کل اسیجا تولنگے نہ تو ہچ اس بچپک۔ او پارے کہ عمران خان پٹرول ہرفسا خاخر آ شاغنگ کن بے تاب ءِ‘ ہدایتکار و کمکار عمران خان ءِ پورو کمک تننگ اٹی ءُ۔ 2017 ٹی ہدایتکار پاکستان ءِ مگہ سنبھالا؟ ورندی ٹی آخاٹی ءِ‘ اینو ہرا کبینی و بے وسی ءِ داڑا جے آئی ٹی جوڑک بو‘ مسکوہی جج انا کماشی ٹی جے آئی ٹی جوڑ کروئی ءِ تو جسٹس شوکت عزیز صدیقی نا کماشی ٹی جوڑ کننگے۔ حاضر سروس جج انا کماشی ٹی جے آئی ٹی جوڑ کروئی ءِ تو سروک تے قاضی فائز عیسی مرے۔

(آن لائن)