سینیٹ‘اسٹیٹ بینک آف پاکستان (ترمیمی) بل 2022ء مسترد

سینیٹ نا کنڈ آن قومی کمیشن چنا تا حق(ترمیمی) بل 2023ء ءِ تعلقدار قائمہ کمیٹی آ گدریفنگا

0

Get real time updates directly on you device, subscribe now.

اسلام آباد : سینیٹ بے نظیر انکم سپورٹ (ترمیمی) بل 2022ء ءِ مسترد کرے۔ دوشنبے نادے آ سینیٹ نا دیوان اٹی سینیٹر ثمینہ ممتاز زہری تحریک پیش کرے کہ بے نظیر انکم سپورٹ ایکٹ 2010ء ٹی پین ترمیم کننگ نا بل بے نظیر انکم سپورٹ (ترمیمی) بل 2022ء ءِ پیش کننگ نا موکل تننگے۔ وزیر مملکت کانود و انصاف تحریک نا مخالفت ءِ کرے ہراڑ اچیئرمین سینیٹ ایوان اٹی گنتی کرفے۔ تحریک نا حق اٹی 17 و مخالفت اٹی 22 وونٹ تما۔ ہندا وڑ گیشتری سلاہ اٹ تحریک ءِ مسترد کننگا۔ داکان بیدس سینیٹ قومی کمیشن چنا تا حق(ترمیمی) بل 2023ء ءِ تعلقدار قائمہ کمیٹی آ گدریفے۔ دوشنبے نادے آ سینیٹ نا دیوان اٹی سینیٹر ڈاکٹرزرقا سہروردی تیمور تحریک پیش کرے کہ قومی کمیشن چنا تا حقایکٹ 2017 ئٹی پین ترمیم کننگ نا بل قومی کمیشن چنا تا حق(ترمیمی) بل 2023ء ءِ پیش کننگ نا موکل تننگے۔ ایوان آن تحریک نا منظوری آن پد چیئرمین سینیٹ بل ءِ تعلقدار قائمہ کمیٹی آ گدریفے۔ ہندن سینیٹ سول سرونٹس (ترمیمی) بل 2023ء ءِ تعلقدار قائمہ کمیٹی آ گدریفے۔ دوشنبے نادے آ سینیٹ نا دیوان اٹی سینیٹر ہدایت اللہ تحریک پیش کرے کہ سول سرونٹس ایکٹ 1973ء ٹی پین ترمیم کننگ نا بل سول سرونٹس (ترمیمی)بل 2023ء ءِ پیش کننگ نا موکل تننگے۔ ایوان آن تحریک نا منظوری آن پد چیئرمین سینیٹ بل ءِ تعلقدار قائمہ کمیٹی آ گدریفے۔

Get real time updates directly on you device, subscribe now.

Leave A Reply

Your email address will not be published.