پاکستان و برطانیہ نا تعلقداری تے ودفنگ نا گرجءِ، اسحاق ڈار

حکومت زرگزرانی و مالی سوگوی اتنگ خواہک، بنجائی وزیر خزانہ تون برطانوی قائم مقام ہائی کمشنر نا اوڑدہی

0

Get real time updates directly on you device, subscribe now.

اسلام آباد : بنجائی وزیر خزانہ و ریونیو سینیٹر محمد اسحاق ڈار پارینے کہ پاکستان و برطانیہ نا نیام اٹ تعلقداری تے اسٹ ایلو نا فائدہ کن ودفنگ ناگرج ءِ‘ حکومت نا مسخت زرگزرانی و مالی سوگوی اتنگ ءِ ہراڑان زرگزرانی بحالی وشونداری مریک۔ حوال نا رد اٹ بنجائی وزیر خزانہ اسحاق ڈار تون برطانوی قائم مقام ہائی کمشنر محترم اینڈریو ڈالگلیش تدوک آ دے فنانس ڈویژن اٹ اوڑدہی کرے‘ وزیرخزانہ برطانوی قائم مقام ہائی کمشنر ءِ بخیر کرے و او ہڑتوم آ ملک آتا نیام اٹ تین پہ تینی واپاری و زرکاری ءِ ودفنگ تون اوار اسیجائی استخواہی تا امورتیا گپ وتران کرے۔ وزیر خزانہ سینیٹر اسحاق ڈار دا ہیت آ زور شاغا کہ پاکستان نا برطانیہ تون تاریخی ءُ تعلقداری ارے و ہڑتوم آ ملک آتا نیام اٹ تعلقداری تے ہڑتوم آ پڑک آتا تین پہ تینی فائدہ غاتیکن پین سوگو کننگ نا گرج ءِ۔ وزیر خزانہ سفیر بھس کروک نوکاپ تون اوار زرگزرانی چیلنج آتا بارو اٹ آگاہ کرے وپارے کہ حکومت نا مسخت زرگزرانی و مالی سوگوی اتنگ ءِ ہراڑان زرگزران بحال و شونداری مریک۔ برطانوی قائم مقام ہائی کمشنر اینڈریو ڈالگلیش حکومت نا کنڈآن کروک عملی گام گیج آتاستاءِ کرسا راجی و اقتصادی چیلنج آتے کم کننگ کن حکومت پاکستان و الس کن برطانوی حکومت نا پورو مخ تفی نا درشانی ءِ کرے۔ وزیر خزانہ اسحاق ڈار برطانوی قائم مقام ہائی کمشنر نا کنڈآن نیک نیتی و کمک نا ستاءِ کرے۔

(آن لائن)

Get real time updates directly on you device, subscribe now.

Leave A Reply

Your email address will not be published.