سعودی عرب اٹی 4.1 شدت نا زمی جمب، ہچ ءُ جانی و مالی نسخان اس متنے

جدہ: سعودی عرب نا چندی علاقہ غاتیٹی 4.1 شدت نا زمی جمب نا لوڈو محسوس کننگا۔ سعودی خبررساں ادارہ سعودی جیولوجیکل سروے بورڈ انا بابت پارینے کہ تدوک آ دے ملک انا سویل دے ٹکی علاقہ ٹی زمی جمب نا لوڈو محسوس کننگا۔ جہانی ریکٹر اسکول آ زمی جمب نا شدت 4.1 ریکارڈ کننگا۔ زمی جمب نا مرکز سعودی عرب نا دے ٹک اٹی 240 کلومیٹر مُر سلطنت عمان اٹی 16 کلومیٹر گہرائی ٹی ئسک۔ زمی جمب آن پد ہچ ءُ جانی و مالی نسخان اسے نا حوال دوئی متنے۔

(اے پی پی)