گوادر اٹی 1.2 ایم جی ڈی واٹر پلانٹ آ 80 درسد کاریم پورو

اسلام آباد: گوادر اٹی 1.2 ایم جی ڈی واٹر پلانٹ آ 80 درسد کاریم پورو مسنے، دا چین نا کنڈ آن اسہ ٹیکی اسے، دا نا خڑچ 2 ارب روپئی ءِ، داڑان گوادر نا ہندی مخلوق ءِ کنوئی آ دیر انا فراوانی ٹی کمک رسینگک۔ داہیت ءِ گوادر پورٹ اتھارٹی (جی پی اے) نا پروجیکٹ ڈائریکٹر داد بلوچ میڈیا تون گپ وتران کرسا کرے۔ اوپارے کہ دا چین نا کنڈ آن اسہ ٹیکی اسے ہرانا خڑچ 2 بلین روپئی ءِ، داڑان گوادر نا ہندی مخلوق ءِ کنوئی آ دیر انا فراوانی ٹی کمک رسینگک۔ اوپارے کہ 80 درسد پوروی آن پد واٹر ڈی سیلینیشن پلانٹ نا پوروی نا تخوک آ وخت آن کیہی ہفتہ مست باضابطہ بناءِ کننگک۔ اووضاحت کرے کہ اصل پوروی نا وخت 30 جون 2023مقرر کننگانے۔ اسہ سوج اسے آ اوپارے کہ غٹ تعلقدار ازباب و گڑاک گوادر آ سرمسنو و تکنیکی وڑاٹ اوفتے اِرا تُو انا تہہ ٹی نصب کننگک۔ اوپارے کہ 1.2 ایم جی ڈی سمندری دیر ءِ ساف کننگ نا پلانٹ نا برجا تفنگ تون اوار اوار پلانٹ نا جاگہ غان گوادر نا مین واٹر سپلائی نیٹ ورک اسکان کم و ود اسہ کلومیٹر مریس واٹر سپلائی لین اس تالان کننگ نا عمل ہم ریکارڈ مد اٹی پورو کننگانے۔ اومستی پارے کہ ہراتم واٹر پلانٹ کاریم کننگ نا بناءِ کیک تو دا واٹر سپلائی لائن کاریم نا بناءِ کیک۔

(اے پی پی)