پی ٹی آئی باسک آتے ڈی نوٹیفائی کننگ نا نوٹیفکیشن معطل
Get real time updates directly on you device, subscribe now.
لاہور : لاہور ہائیکورٹ پی ٹی آئی نا پنجاب نا ایم این اے تے ڈی نوٹیفائی کننگ نابابت الیکشن کمیشن نا نوٹیفکیشن ءِ معطل کرے۔ پاکستان تحریک انصاف نا اسمبلی نا پین 70باسک انا استیفہ غاتے منظور کننگ نا گام انا برخلاف تدوک آ دے لاہور ہائیکورٹ اٹ سماعت مس‘ سماعت نا وخت آ عدالت بروک آ سماعت آ الیکشن کمیشن تون و پڑک آتیان ورندی خواہسا پارے کہ اسپیکر نا نوٹیفکیشن نا دنگ اسکان باندات ءِ 7مارچ آ خف توننگک۔ جسٹس شاہد کریم فواد چوہدری، شاہ محمود قریشی‘ پرویز خٹک‘ اسد عمر تون اوار 70 باسک انا درخواست آ سماعت کرے‘ ہراٹی اسپیکر قومی اسمبلی، الیکشن کمیشن تون اوار ایلوفتے پڑک جوڑ کننگانے۔ درخواست اٹ موقف تینائی کننگا کہ اسپیکر استیفہ غاتے منظور کننگ آن مست باسک آتا موقف ءِ خف توتو۔ الیکشن کمیشن استیفہ غاتا منظوری آن پد باسک آتے ڈی نوٹیفائی کرے۔ عدالت پی ٹی آئی باسک آتا استیفہ غاتے منظور کننگ نا گام ءِ کالعدم گوندے و الیکشن کمیشن ءِ تعلقدار حلقہ غاتے ٹی ضمنی گچین کاری تا پرمان ءِ تورے۔ لاہور ہائی کورٹ پنجاب نا قومی اسمبلی نا باسک آتا دنگ اسکان ضمنی گچین کاری تے توننگ نا پرمان کرے۔
(آن لائن)