درخت تخنگ سنت نبویؐ ءِ‘ سہیل الرحمان بلوچ

کوئٹہ : کمشنر کوئٹہ ڈویژن سہیل الرحمن بلوچ کمشنر آفس کوئٹہ ٹی پائن نا درخت اس خلسا کوئٹہ ڈویژن اٹ درخت تخنگ مہم نا بنا ءِ کرے۔ او وخت آ ڈپٹی کمشنر کوئٹہ شہک بلوچ و اسٹنٹ کمشنر پولیٹیکل بابر خان و محکمہ جنگلات نا افسرک ہم ساڑی ئسر۔ کمشنر کوئٹہ ڈویڑن سہیل الرحمان بلوچ پارینے کہ درخت تخنگ سنت نبوی ءِ و درخت تخنگ انسانی جانجوڑی کن بھاز المی ءِ۔ درخت نہ بیرہ زیبائی نا سوب جوڑ مریک وخت اس کہ گلوبل وارمنگ تون مون تننگ نا وڑ اسے۔ انتئے کہ پاکستان تون اوار مچ آ دنیا ماحولیاتی بدلی تا سوب آن بھاز نسخان ہرفینے۔ وخت اس کہ درخت تا سوب آن چاگڑد اٹ آلودگی نا شرح ءِ بھاز کم کننگ کینہ۔ او پارینے کہ درخت تخنگ تون اوار اوار اوفتا خیالداری بھازالمی ءِ۔ انتئے کہ گیشتری درخت آتا خیالداری مفننگ آن ہمو نتیجہ رسینگپک۔ دا بابت اٹ محکمہ جنگلات نا کمک اٹ کوئٹہ ڈسٹرکٹ اٹ مسہ لکھ نا کچ اٹ درخت تخنگک۔

(خ ن)