روچہ مبارک نا تو اٹ اُلس ءِ ریلیف فراوان کننگ کن گام گیج کننگک‘ عائشہ زہری

کوئٹہ : اُلس ءِ رمضان المبارک اٹ ریلیف فراوان کننگ کن گام گیج کننگک۔ انجن تاجران ضلعی انتظامیہ تون ملسا روچہ نا تو اٹ اُلس نا خدمت اٹ تینا کڑد ءِ ادا کیر۔ روچہ نا تو اٹ ہڑزان بازار جوڑ کننگک و جتا جتا اسٹال جوڑ کننگک۔ اسسٹنٹ کمشنر و تحصیلدارک تینا تحصیل آتیٹی غاو تیکن سیل اس جوڑ کننگک ہراڑے تحصیل نا کہول آ لس غاو تا جاچ ءِ ہلنگک و غاو تیا کارروائی ہڑدے نا بنداو آ کننگک۔ دا خیال آتا درشانی ءِ ڈپٹی کمشنر نصیرآباد عائشہ زہری رمضان المبارک نا بابت اٹ افسر و واپار تا اڈ ہلوک دیوان آن تران کرسا کرے۔ دیوان اٹ اسسٹنٹ کمشنرز اسداللہ سمالانی خادم حسین کھوسہ تحصیلداران مجیب الرحمٰن ساتکزئی و ایلوفک ہم ساڑی ئسر۔

(خ ن)