اعظم خان نا بیان چیئرمین پی ٹی آئی نا ڈوہ ءِ پک کرے، رانا ثناء اللہ
اینو سما تما کہ اصل میر جعفر دیر ءِ؟ چیئرمین پی ٹی آئی تینا فائدہ کن سائفر نا راگ ءِ کرے، اودیم دستاویز آتے پبلک کرے
Get real time updates directly on you device, subscribe now.
اسلام آباد : بنجائی وزیر داخلہ رانا ثناء اللہ پارینے کہ اعظم خان نا امنائی بیان چیئرمین پی ٹی آئی نا برخلاف ڈوہ ءِ پک کرینے‘ سما تما کہ اصل میر جعفر دیرءِ‘ پی ٹی آئی نا چیئرمین تینا ذاتی فائدہ کن سائفر نا راگ ءِ کرے‘ اودیم دستاویز ءِ پبلک کرسا سیکریٹ ایکٹ انا خلاف ورزی کننگا‘ سائفر نا راگ آن پاکستان نا عزت خراب مس‘ مسکوہی وزیرخارجہ شاہ محمود ہم ڈوہ اٹ بریبر نا شریدار ءِ‘ سائفر گم متنے بلکہ داسہ ہم پی ٹی آئی نا چیئرمین تون ءِ۔ سائفر سازش‘ ریاست نا باندات اسے‘ دا اسہ ڈوہ اسے ومقدمہ ءِ خصوصی عدالت اٹ راہی کننگک‘ عمران خان ہراتم اسکان بچک‘ زموار آتے زوت سزا تننگک۔ 9مئی نا واقعہ غاتا زموار ٹولی تینا ایسر آ المی سر مریک۔ دا خیال آتا درشانی ءِ او چار شنبے نا دے پریس کانفرنس آن تران کرسا کرے۔ وزیرداخلہ پارے کہ پی ٹی آئی نا چیئرمین ذاتی فائدہ کن ملکی فائدہ غاتے لتاڑ کرے۔ سائفر نا راگ ءِ کرسا ملکی ادارہ غاتا برخلاف سازش کرے و ملک اٹ بے چیٹی تالان کننگ نا کوشست کرے۔ او پارے کہ پی ٹی آئی نا چیئرمین نا پرنسپل سیکرٹری نا امنائی بیان عمران خان نا ڈوہ ءِ پک کرینے‘ اوپارے کہ اعظم خان پارینے کہ چیئرمین پی ٹی آئی سائفر نا راگ ءِ کرسا تینا برخلاف بے پتی ناتحریک ءِ بے سہب کننگ خواہسکہ۔
(آن لائن)