نگران حکومت قومی پالیسی تے بایدے برجا تخے، وزیراعظم

اسلام آباد: وزیراعظم محمد شہباز شریف پارینے کہ حکومت پک کیک کہ بروک آ نگران حکومت قومی مفاد نا پالیسی تا چرجوئی ءِ برجاتخے، کوشست کینہ کہ قومی شونداری نا چرجوئی برقرار سلے۔ داہیت ءِ او چارشنبے نادے آ اسلام آباد اٹی تینا کماشی ٹی اسٹیٹ اونڈانٹرپرائززاٹی برجااصلاحات نا بارواٹی پیش رفت نا جاچ دیوان اٹی پارے۔ دیوان اٹی وزیراعظم ءِ ادارہ بشمول کارپوریشن تا کارکڑد نا ٹک آتے پیش کننگ تون اوار اوار برجااصلاحات آ پیش رفت نا بارواٹی ہم معلومدار کننگا۔ وزیراعظم پارے کہ حکومت جہانی آب انا عین رداٹ ادارہ غاتا گچینی و الس ءِ گچین آسراتی تا فراوانی ءِ پک کننگ کن گام گیج کننگ ءِ۔ وزیراعظم ءِ پاننگاکہ اسٹیٹ اونڈانٹرپرائززاٹی اصلاحات نا عمل ترندی اٹ برجاءِ، پوسکن آ نظام و گچین آسراتی تا فراوانی کن دا ادارہ غاتا بورڈاٹی چاہندار آتا شمولیت ءِ پک کننگک۔ وزیراعظم پارے کہ خذمت آتا آؤٹ سورسنگ و پبلک پرائیویٹ پارٹنر شپ اٹ شفافیت نا عنصر ءِ مرکزی اہمیت تننگے، حکومت پک کیک کہ بروک آ نگران حکومت قومی مفاد نا پالیسی تا چرجوئی ءِ برجاتخے، پورو کوشست ءِ کہ قومی شونداری نا تسلسل برجاسلے۔ اوپارت کرے کہ قومی خزانہ ءِ نسخان آن نسخان تروک آادارہ غاتے اصلاحات نا اولیتی بنداو تیا نفاذ ءِ پک کننگے۔ دیوان اٹی بنجائی وزیر اسحاق ڈار، خواجہ محمد آصف، سید نوید قمر، مخدوم مرتضیٰ محمود، انجینئر خرم دستگیر، خواجہ سعد رفیق، اعظم نذیر تارڑ، سلاہکار وزیراعظم احدخان چیمہ، خصوصی کمکار جہانزیب خان، طارق باجوہ و تعلقدار بڑزکو کمامدارآک بشخ ہلکر۔ وزیراعظم محمد شہباز شریف تون متحدہ قومی موومنٹ نا ڈل کنوینر خالد مقبول صدیقی نا کماشی ٹی اوڑدہی کرے۔ اوڑدہی ٹی ساڑی آ مردم شماری نا بابت ہم سلابت مس، ڈل آئی ایم ایف تون معاہدہ غا وزیراعظم ءِ خراج تحسین پیش کرے۔ چارشنبے نادے آ وزیراعظم آفس نا میڈیا ونگ انا رداٹ ڈل اٹی بنجائی وزیر انفارمیشن ٹیکنالوجی سید امین الحق، گورنر سندھ کامران خان ٹیسوری، ڈاکٹر فاروق ستار، مصطفیٰ کمال ئسک ساڑی ئسر۔ داوخت آ بنجائی وزیر ریلوائی و ہوابازی خواجہ سعد رفیق و بنجائی وزیر اقتصادی امور سردار ایاز صادق ہم ساڑی ئسر۔ اوڑدہی ٹی ساڑی ملکی سیاسی حالیت آتیا سرجمی اٹ سلابت مس۔ اوڑدہی وزیراعظم نا نگران حکومت نا ٹہیفنگ کن سیوتی تتون سلابت نا چرجوئی ٹی اسہ کڑی اسے۔ اوڑدہی ٹی ساڑی آ مردم شماری نا بابت ہم سلابت مس۔ ڈل وزیراعظم ءِ کراچی ٹی بنجائی حکومت نا برجا ڈٹ آتا ذاتی نگرانی و اولیتی بنداو تیا اوفتیا کاریم ءِ پک کننگ آ خراج تحسین پیش کرے۔ متحدہ نا ڈل وزیراعظم نا کماشی ٹی حکومتی زرگزرانی ٹیم انا کوشست آتے اٹ آئی ایم ایف تون معاہدہ پورو مننگ آ وزیراعظم ءِ خراج تحسین پیش کرے۔

(اے پی پی)