میر ظہور بلیدی نا بلوچستان اسمبلی ٹی قبائلی نظام نا بابت بیان نا وضاحت
کوئٹہ، صوبائی وزیر میر ظہور احمد بلیدی نا بلوچستان اسمبلی ٹی قبائلی نظام نا بابت بیان نا وضاحت، قبائلی روایات نا توہین آخا بلکہ استحصالی رویہ و راجی بے انصافی تا نشاندہی مسخت ئس۔ صوبائی وزیر ڈٹ بندی و شونداری میر ظہور احمد بلیدی پارینے کہ بلوچستان اسمبلی ٹی قبائلی نظام تون تعلقدار اونا ریمارکس آتا مسخت قبائلی روایت، قبائلی متبر یا مخصوص شخصیت نا توہین کننگ اسُل الو، بلکہ قبائلی و سرداری نظام اٹ ساڑی منہ استحصالی وڑ و ڈول‘ بے انصافی و راجی گندہ ئی نشاندہی کننگ ئس۔ او پیدوار کرے کہ منہ میڈیا تپہ نا کنڈ آن السی محرومی و تاریخی و سیاسی شخصیت آتتون تعلقدار اونا حوالہ غاتے بغاوت نا وڑ اٹ پیش کننگ اونا اصل موقف و تران نا سہی درشانی ءِ کپک۔