جیوز گوادر اور دستکِ زیست نا اواری اٹ خصوصی آگاہی سیشن
گوادر، زالبول آتیٹی ذہنی جانجوڑی نا پام ءِ پاش کننگ، ذہنی فریشانی تتون مون تننگ‘ جذباتی بریبری برجا تخنگ و چناتا مثبت ہیلکاری نابابت جیوز گوادر اٹی جیوز گوادر و دستکِ زیست نا اواری اٹ خصوصی آگاہی سیشن نا بست وبند کننگا، ہراٹی اُرائی زالبول، طالب علم‘ استاد‘ میڈیا تون تعلقدار زالبول تتون اوار زند انا چندی بشخ آتتون تعلقدار زالبول آک بشخ ہلکر۔ سیشن آن نفسیات نا چاہندار گراناز ہوت بلوچ و فوزیہ ذوالفقار تران کرسا ذہنی جانجوڑی نا اہمیت، ہڑدے ئی زند انا ذہنی فریشانی تون مون تننگ‘ جوزہ غا قابو تخنگ و ذہنی سکون برجا تخنگ نا بھرمی وڑ و ڈول آتیا ہیت کریر۔ او پاریر کہ لمہ و چنا نا نیام اٹی سوگو جذباتی تعلقداری، مہر، سگ و مثبت رویہ چناتا شخصیت و ذہنی شون اٹی بنداوی کڑد ادا کیرہ۔