بروری روڈ آ فٹبال اسٹیڈیم اس جوڑ کننگک، عمران گچکی

کوئٹہ: وزیراعلیٰ بلوچستان میر عبدالقدوس بزنجو نا پارت آ وزیراعلیٰ نا پرنسپل سیکرٹری عمران گچکی نا کماشی ٹی اڈ ہلوک دیوان اٹ بروری روڈ کوئٹہ ٹی امور حیوانات نا ڈغار آ فٹبال اسٹیڈیم نا جوڑی نا بابت ڈٹ ءِ بنا کننگ و لائیو اسٹاک نا ڈغار آ جوڑ انگا پولٹری فارم کن ڈغار نا الاٹمنٹ و پولٹری فارم نا جوڑی نا ڈٹ ءِ آخبت اٹ مالی سال انا شونداری پروگرام اٹ اوار کننگ نا فیصلہ کننگا۔ دیوان اٹ فیصلہ کننگا کہ ڈغار نا دوئی کننگ کن سینئر باسک بورڈ آف ریونیو و لینڈ ایلویشن کمیٹی ءِ اعتماد اٹ ہلنگک دیوان اٹ سیکرٹری لائیو سٹاک ارشد بگٹی، ڈی جی اسپورٹس درا بلوچ، ڈی سی کوئٹہ شہک بلوچ و ایلو کمامدار آک بشخ ہلکر۔ او وخت آ تینا خیال آتا درشانی ءِ پرنسپل سیکرٹری پارے کہ ڈٹ آ عمل درآمد نا بنا کن فٹبال اسٹیڈیم نا ڈٹ انا المی آ گڑاتیا زوت اس کاریم بنا کننگے۔ اوپارینے کہ وزیراعلیٰ بلوچستان میر عبدالقدوس بزنجو گوازی تا شونداری ٹی خاص اُست خواہی تخک و ننے ہم تینا ورنا تے شونداری و جانجوڑ آ کاریم تا جوانی نا وارخواہی تے فراوان کننگ نا گرج ءِ تانکہ ننا ورناک گوازی نا پڑ اٹ تینا لائخی تے نشان ایتر۔