ماحولیاتی بدلی نا اثر تے کم کننگ کن درخت تخنگ المی ءِ‘ طارق الرحمان بلوچ

خاران : کمشنر رخشان ڈویژن طارق الرحمٰن بلوچ کمشنر آفس وکمشنر ہاؤس اٹ پُل اس خلسا درخت تخنگ مہم نا بنا ءِ کرے۔ کمشنر رخشان پارینے کہ وزیر اعلیٰ بلوچستان چیف سیکرٹری بلوچستان نا خاص ءُ پارت ءُ کہ بلوچستان اٹ درخت تخنگ مہم ءِ سرسہب و جوان وڑاٹ چلیفنگ کن انتظامیہ پورو وڑاٹ نگرانی ءِ کے۔ او پارینے مچ آ دنیا ٹی ماحولیاتی بدلی بسنے و دانا اثرک پاکستان اٹ ہم بسنو۔ ماحولیاتی بدلی نا اثر تے کم کننگ کن درخت تخنگ بھاز المی ءِ۔ کمشنر رخشان پارینے کہ مالو آن ننا ریجن اٹ باسنی ہم زیات مننگ اٹی ءِ۔ باسنی نا ودنگ ءِ کم کننگ اٹ ہم ننے کمک رسینگک۔ کمشنر رخشان رخشان ڈویڑن نا ہر چار آ ضلع غاتا انتظامیہ و ہمو محکمہ غاتا افسرتے ہم پارت کرے۔

(خ ن)