اُلس درخت تخنگ مہم نا سرسہبی ٹی کڑد ادا کیک‘ ڈی سی جھل مگسی
Get real time updates directly on you device, subscribe now.
جھل مگسی: ڈپٹی کمشنر جھل مگسی فلائیٹ لیفٹیننٹ(ر) یاسر حسین میڈیا نا نمائندہ غاتون ہیت وگپ کرسا پارینے کہ ضلع ءِ خرن کننگ کن ہر وڑ نا گام گیج کننگ انگ ءِ۔ ہراڑکن مچ آ ضلع ٹی 3500 نا کچ اٹ درخت خلنگے انتئے کہ درخت ڈغار نا زیور ءِ۔ درخت آتا رکھ ءِ کرسا نن ملک ءِ جنت النظر جوڑ کننگ کینہ۔ درخت چاگڑد آ جوان ءُ اثر اس شاغک۔ درخت ڈغار ءِ کاٹ کننگ آن تورک۔ ڈغار نا زیبائی ٹی ودکی کیک۔ ننے آکسیجن فراوان کیک و زہریلی گیس کاربن ڈائی آکسائیڈ ءِ جذب کیک۔ او پارینے کہ ہر شاری اسہ اسہ درخت المی خلے و شجرکاری مہم ءِ سرسہب کننگ اٹ جوان کڑد ادا کے۔
(خ ن)