آئی ایم ایف خڑچ و خراج نا باندات گڑتی درشان کرینے، عائشہ غوث
آئی ایم ایف ایگزیکٹو بورڈ نا دیوان ہُرے پہ زُوت مریک، حکومت زرگزرانی سوگوی آن چَپ ہچ ءُ گام اس ہرفپک
Get real time updates directly on you device, subscribe now.
اسلام آباد : وزیر مملکت خزانہ عائشہ غوث پاشا پارینے کہ خڑچ و ٹیکس انا باندات آتیا آئی ایم ایف ناگڑتیک اریر۔ آئی ایم ایف ایگزیکٹو بورڈ انا دیوان مننگ کیک‘ حکومت زرگزرانی سوگوی آن بیدس پین ہچ ءُ گام اس ہرفپک‘ پیٹرولیم لیوی ودفنگ نافیصلہ کتنن‘ بیرہ کانود اٹ گنجائشت تخنگانے‘اگہ گرج مس تو پٹرولیم لیوی نا کچ اٹی شیف بڑزی کینہ۔ میڈیا تون ہیت وگپ کرسا عائشہ غوث پاشا پارے کہ آئی ایم ایف بھاز آ گڑاتیا گڑتی درشان کرینے‘ آئی ایم ایف مشن چیف نیتھن پورٹر تون وزیر خزانہ اسحاق ڈار نا ورچوئل ہیت مسنے ہراٹی آئی ایم ایف بجٹ نابابت منہ گڑاسیا وضاحت خواہسنے‘ آئی ایم ایف خڑچ و خراج ناباندات آتیا گڑتی درشان کرینے۔ آئی ایم ایف ایگزیکٹو بورڈ انا دیوان زو مریک‘ آئی ایم ایف ءِ بجٹ نا حکمت عملی و وژن آن معلومدار کننگانے‘ آئی ایم ایف ءِ پارینن کہ بجٹ نا مسخت زرگزرانی گروتھ اتنگ ءِ‘ آئی ایم ایف تون اسٹریٹجک لیول آ ہیت مننگ اٹی ءِ‘ او پارے کہ آئی ایم ایف تون خڑچ آتتون اوار ایلو حساب کتاب آ گپ وتران مریک۔ آئی ایم ایف پاور ڈویژن و اسٹیٹ بینک کمامدار آتتون ہم ہیت کیک‘ ایکسچینج ریٹ و پالیسی ریٹ آ آئی ایم ایف اسٹیٹ بینک تون ہیت کیک‘ حکومت زرگزرانی سوگوی آن بیدس پین ہچ گام ہرفپک‘ پیٹرولیم لیوی ودفنگ نافیصلہ کتنن‘ بیرہ کانود اٹ گنجائشت تخانن‘ اگہ مس تو پیٹرولیم لیوی نا کچ اٹ شیفی بڑزی کینہ۔
(آن لائن)