وزیر اعلیٰ بلوچستان نا وی آئی پی موومنٹ آتے کن کسر تے بند کننگ نا نوٹس
سیکورٹی کن ودکی بست و بند آن ٹریفک زہمی مریک، شاریک خوار مریرہ، ایمبولینس و فائر بریگیڈ آتے ہم کسر ملپک،قدوس بزنجو
Get real time updates directly on you device, subscribe now.
کوئٹہ : وزیراعلیٰ بلوچستان میر عبدالقدوس بزنجو ناپرمان آ وزیراعلیٰ سیکرٹریٹ آن چیف سیکرٹری آ راہی کروک چٹھی ٹی پاننگانے کہ دا ہیت خننگانے کہ وی وی آئی موومنٹ آتا وخت آ سکیورٹی نا زیات بست وبند کننگک سکیورٹی کی ودکی بست وبند آن نئے بیرہ ٹریفک زہمی مریک بلکہ شاریک ہم خوار مریرہ وخت اس کہ بھاز وخت دا ہم خننگانے کہ وی وی آئی پی موومنٹ نا وخت آ ایمبولینس و فائیربرگیڈ ناگاڈیک ہم رش اٹ پاسینگرہ‘ چٹھی ٹی پاننگانے کہ وزیراعلیٰ تینا ہن وبر نا وخت آسکیورٹی بست وبند آتے مہالو آن بھاز کم کرینے و اومیت کننگک کہ الس نا فائدہ ءِ مون آتخسا گورنر بلوچستان ہم تینا ہن وبر ناوخت آ سکیورٹی بست وبند آتے کم کیک‘چٹھی ٹی پاننگانے کہ صوبائی وزیر و اسمبلی نا باسک‘ چیف سیکرٹری و رآئی جی پولیس ناہن وبر ناوخت آ سکیورٹی بست وبند غاتے جوان و کچ اٹ کننگے و وی وی آئی پی موومنٹ اٹ سکیورٹی مانیٹرنگ نا بدل گیک وڑ تے کاریم اٹ اتنگے‘چٹھی ٹی چیف سیکرٹری ءِ پاننگانے کہ او دا بابت کل تعلقدار ادارہ غاتے المی پرمان جاری کے تاکہ وی وی آئی پی موومنٹ اٹ الس نا آسراتی تے ہر وڑ اٹ اولیت تننگ مرے۔
(خ ن)