منی لانڈرنگ کیس اٹی شہباز شریف و خاہوت تے بے گناہ گوندنگار

لاہور :  وزیراعظم شہباز شریف واونا خاہوت نا برخلاف منی لانڈرنگ وکٹیا غان زیات میرات کیس اٹ نیب پک کروک رپورٹ ءِ احتساب عدالت اٹ پیش کرے ہراٹی اودے بے گناہ گوندنگا۔ حوال نا رد اٹ احتساب عدالت اٹ وزیراعظم شہباز شریف، مسکوہی وزیراعلی پنجاب حمزہ شہباز وایلو خاہوت نا برخلاف برخلاف منی لانڈرنگ و کٹیا غان زیات میرات کیس انا سماعت مس‘ نیب قومی احتساب بیورو نا سروک نا پک کروک رپورٹ ءِ عدالت اٹ پیش کرے۔ احتساب عدالت نیب سپلیمنٹری رپورٹ نا چیئرمین قومی احتساب بیورو آن پک کننگ نا پرمان کریسس۔ نیب رپورٹ اٹ پاننگانے کہ دوبہ دار آتا برخلاف منی لانڈرنگ و کٹیا غان زیات میرات نا پک شاہدی رسینگتنے‘ نیب سپلیمنٹری رپورٹ اٹ شہباز شریف تون اوار ایلوفتے بے گناہ گوندنگانے۔ عدالت شریدار دوبہ ہارون یوسف، سید طاہر نقوی و سلمان شہباز ءِ بٹنگ انگ یا پٹنگ پننگ نا فیصلہ ءِ ڈک کرے‘ ہر مسٹ آ دوبہ دار آک پرسجوئی رپورٹ اٹ بے گوندنگ انگ آ ضمانت نا درخواست ءِ پدی ہلکنو۔ سماعت ناوخت آ وکیل امجد پرویز پارے کہ نیب سپلیمنٹری رپورٹ اٹ دوبہ دار آتا برخلاف کرپشن نا شاہدی رسینگتو۔ پک ءُ شاہدی رسینگتو تو دوبہ دار آتے یلہ کننگک۔ داکان گڈ احتساب عدالت کیس انا مستی سماعت ءِ 22 جون اسکان پدبٹے‘ یات سلے کہ وزیراعظم شہباز شریف، مسکوہی وزیراعلی پنجاب حمزہ شہباز وایلوفتا وکیل امجد پرویز نا منی لانڈرنگ کیس اٹ دلیل آک پورو مسنو۔

(آن لائن)