واپڈا تینے کانود، آئین و اخلاقی قدر آتیان ایڑتر تکک، بی این پی پنجگور

پنجگور: بلوچستان نیشنل پارٹی نا بنجائی راہشون میر نزیر احمد پارینے کہ پنجگور محکمہ واپڈا کل کانودی آئینی اخلاقی انسانی کاریم تے گم کرینے۔ محکمہ واپڈا اُلس ءِ آسراتی تننگ نا جاگہ غا دکانداری ٹی اختہ ءُ اوفتا رحم و کرم آ مچ آ پنجگور کھاتہ غا چلینگ انگ ءِ نہ سیاسی راجی بندغ، نہ صحافی نہ کاروباری اُلس نا عزت نفس نا خیال ارے نہ ہیت آتے بننگ کن تیار اُن، پنجگور نا پیر و کماش نمازی دا سخت انگا باسنی ٹی اسکول آتیٹی چناک گڈیکو برداشت نا ہند ءِ خڑک کننگ اٹی ءِ، چنکا چنکا چناک سخت انگا باسنی ٹی تینا اسکول نا کلاس آتیٹی بیدس دیر و بجلی آن بے ہوش مننگ اٹی ءِ ولے واپڈا گلی گلی کوچہ کوچہ دکان پہ دکان جون انا پن آ تینا بھتہ غاتے ہلنگ اٹی ءِ۔ او پارینے کہ پنجگور نا اُرائی آ نیاڑی تیان ہلسا ہر بندغ دیر انا پڑی پڑی کن سکنگ اٹی ءِ ہراوڑ محشر میدان خلکنے نہ فریج نہ واٹر موٹر بلب دا قیامت خیز انگا باسنی ٹی چنا پیر ورناک سکنگ اٹی ءُ، نہ دے آن سکون ارے نہ ننکان سکول ارے۔

(آن لائن)