اسکول آتیٹی اسٹاف نا غیرحاضری ءِ اسُل سگپنہ، ایڈیشنل ڈپٹی کمشنر چمن

چمن : ایڈیشنل ڈپٹی کمشنر چمن نوید عالم گلدارہ باغچہ و کلی لال محمد ٹھیکیدار گورنمنٹ سکولز نا دورہ ءِ کرے او ویزیٹ نا وخت آ سکول ریکارڈ و استاد آتا حاضری تے چیک کرے و پارینے کہ اسکول استاد و سٹاف نا غیر حاضری ءِ اسل سگپنہ۔ انتئے کہ دنیا ٹی ہرا قومک شون ہلنگ اٹی ءُ۔ اوفک ساڑی تعلیم و ٹریننگ نا کمک اٹ دا ہند ءِ سر مسنے ترقی کروک آ ملک آتا اولیکو کاریم تینا چناتے تعلیم نا زیور آن معلومدار کروئی تمک۔ ہندا سوب آن استاد آک تینا لائخی تے مون آ تخسا طالبعلم آتے معلومدار کننگک۔ استاد آک تینا لائخی تیان کاریم ہلسا طالبعلم آتے تعلیم نا زیور آن معلومدار کننگ اٹ تینا توانائی و کوشست آتیان کاریم ہلیر ہراڑکن استاد آک تینا حاضری و وخت انا پابندی ءِ پک کننگے وخت اس کہ کل غیر حاضر و وخت انا پابندی کپروک آتا برخلاف سخت محکمانہ کارروائی کننگک۔ دا وخت آ ایڈیشنل ڈپٹی کمشنر چمن کلاس آتا وزٹ ءِ کرے طالبعلم آتون خوانفنگ نا بابت اٹ سوج ہرفے او طالبعلم آتے پارینے کہ دنیا ٹی ہرا قومک شونداری نا مزل آتے طے کرینے او تعلیم نا سوب آن ممکن مسنے۔

(خ ن)