پیپلزپارٹی رنگ و نسل آن ایڑتر انسانیت نا خذمت آ باور کیک، غزالہ گولہ

کوئٹہ: پاکستان پیپلزپارٹی بلوچستان زالبول ونگ انا صدر و مسکوہی صوبائی وزیر غزالہ گولہ و جنرل سیکرٹری زرینہ زہری ئسک پارینو کہ پاکستان پیپلزپارٹی بے رنگ و نسل انسانیت نا خذمت آ یخین تخک بروک آ لس گچین کاری تیٹی انشاء اللہ پارٹی بھلو گیشتری اسے ٹی سرسہبی دوئی کیک، زالبول آک پارٹی چیئرمین بلاول بھٹو زرداری نا کلہو ءِ اُرااُراغا سرکیر، زالبول آک ملک انا نیمہ آبادی ءُ ہرافتے غٹ بشخ آتیٹی جوان نمائندگی ترسا ملک ءِ شونداری و شونہالی نا کسر آ دننگ مریک۔ داہیت ءِ او چارشنبینادے آ اوڑدہی کروک آ زالبول آتا اسہ ڈل اسے تون گپ وتران کرساپارے۔ اوپارے کہ پاکستان پیپلزپارٹی ہراتم برسراقتدار بسنے الس نا بے رنگ و نسل خذمت نا پیپلزپارٹی تینا دور ءِ حکومت اٹ ملک ءِ شونداری و شونہالی نا کنڈا درے گوادر سی پیک ڈٹ پاکستان پیپلزپارٹی نا مرہون منت ءِ ہرانا پوروی آن ملک اٹی شونداری و شونہالی نا پوسکن آ دور بناکیک۔ اوپارے کہ مسکوہی صدر مملکت آصف علی زرداری چنکا صوبہ غاتے صوبائی وتواجہی تس و آغاز حقوق بلوچستان نا رداٹ بلوچستان ناخوانوک آ ورناتے روزگار ناوارخواہی فراوان کرے انشاء اللہ داسہ ہم بروک آ وخت پاکستان پیپلزپارٹی ناہی ءِ و پیپلزپارٹی بروک آ لس گچین کاری تیٹی بلوچستان تون اوار مچ آ ملک آن بھلو گیشتری اسے اٹ سرسہبی دوئی کیک۔

(اے پی پی)