عمران خان نا وزیراعظم مننگ جمہوریت و معیشت کن خطرہ اسے، بلاول بھٹو

0

Get real time updates directly on you device, subscribe now.

کراچی ( آن لائن)پاکستان پیپلزپارٹی نا چیئرمین بلاول بھٹو زرداری پارینے کہ عمران خان نا وزیراعظم سلنگ جمہوریت و زرگزران تون اوار ہر پاکستانی نا زند اکن خطرہ اسے، عمران خان و پاکستان تحریک انصاف نا حکومت کشمیری تے چوری و لاوارث اِلانے، وزیراعظم مودی نا گچین کاری مہم نا وخت آ اونا مخ تفی ءِ کرے، بلین ٹری سونامی، مالم جبہ پولیو، حج ویل آک و فارن فنڈنگ کیس اٹ ہم وڈی خوری مس ولے نیب چُپ ءِ، جہانگیر ترین ہم نرا، اونا نااہلی و وڈی خوری نا سوب آن پی آئی اے نا جاز آک پیشن ملک آ ہننگ کپسہ۔ شوگر و نُت انا وڈی خوری آ سلیکٹڈ ءِ ہم ورندی تروئی تمک، نیب بنجائی وڈی خوری ءِ آسراتی تننگ اٹی ءِ وخت اس کہ سندھ انا وزیراعلیٰ ہر ہفتہ غا اسلام آباد اٹ پیشی تننگ ءِ، کراچی ٹی پیپلزپارٹی نا ایلو راہشون تتون اوار پریس کانفرنس کرسا بلاول بھٹو زرداری پارینے کہ پاکستان پیپلزپارٹی ہر وخت کشمیر کاز اٹ اولیکو صف انا کڑد ءِ ادا کرینے، شہید ذوالفقار علی بھٹو ہر فورم آ کشمیری تا مقدمہ تون مون تس و اینو ہم اونا تران آتے پاکستان و کشمیر نا اُلس یاد کیک وخت اس کہ شہید ذوالفقار علی بھٹو برانز نا کال تسکہ تو بیرہ آزاد کشمیر نا آخا وخت اس کہ مچ آ مقبوضہ کشمیر ہم برانز اٹ اوار تماکہ انتئے کہ اوفتے اعتماد ئس کہ پاکستان نا کماشی و پاکستان نا اُلس کشمیری تون اوار سلوک ءِ۔ شہید گودی بینظیر بھٹو ہر فورم آ ہر وار آ کشمیری تے کن توار چِست کرینے و اینو ہم پیپلزپارٹی ہمو وڑ اٹی ہننگ اٹی ءِ۔ او پارینے کہ پاکستان نا اپوزیشن مرے یا حکومت اٹ اسٹ انگا سیاستدان اُٹ ہرا اولیکو دے آن مودی نا مخالفت ءِ کرینے۔ پیپلزپارٹی اولیکو دے آن مودی نا مخالفت ءِ کننگ اٹی ءِ، او مستی ہم کیوہ عمران خان و پاکستان تحریک انصاف نا حکومت کشمیری تے چوری و بے وارث اِلانے او ہم ریکارڈ نا بشخ اسے۔ عمران خان پاکستان نا اولیکو و گڈیکو وزیراعظم ءِ ہرا پاکستان نا اُلس ءِ کشمیر آ اسٹ کتنے، ہرا حکومت مسنے، آمر، جمہوری، سیلیکٹو یا کٹھ پتلی یا گچین کروک آ ہراتم کہ کشمیر نا ویل بسکہ تو کل اوار مسرہ ولے دا نالائخ آ وزیراعظم کشمیر کاز آ اوار کننگ اٹ بے سہب مسنے۔

Get real time updates directly on you device, subscribe now.

Leave A Reply

Your email address will not be published.