قومی اسمبلی، گچین کاری کن 21 ارب روپئی جاری کننگ نا بل مسترد
پنجاب و خیبر پختونخواہ نا گچین کاری تے کن“الیکشن چارجڈ اخراجات بل 2023“ نا پن اٹ بل اس پیش کننگاسس
Get real time updates directly on you device, subscribe now.
اسلام آباد : قومی اسمبلی پنجاب و خیبرپختونخواہ گچین کاری تیکن 21 ارب روپئی جاری کننگ کن ”الیکشن چارجڈ خڑچ بل بل 2023“ ءِ مسترد کرے‘ شیفکو ایوان بل ءِ منظور کننگ کن پیش کروک وزیرخزانہ اسحاق ڈار نا تحریک ءِ گیشتری سلاہ اٹ مسترد کرے۔ قومی اسمبلی نا دیوان اسپیکر راجہ پرویز اشرف ناکماشی ٹی اڈ ہلک‘ دیوان اٹ بنجائی وزیر خزانہ اسحاق ڈار تحریک ءِ پیش کرے کہ الیکشن چارجڈ اخراجات بل 2023 منظوری کن پیش کننگ نا تحریک ءِ منظور کننگے۔ ایوان گیشتری سلاہ اٹ تحریک ءِ مسترد کرے‘ ہرانا سوب آن بل ءِ مسترد کننگا‘ تحریک پیش کننگ آن مست قائمہ کمیٹی خزانہ نا رپورٹ ءِ ہم ایوان اٹ پیش کننگا ہراٹی پاننگا کہ کمیٹی بل ءِ مسترد کرسا گچین کاری تیکن 21 ارب روپئی جاری کننگ آن تورینے‘ داوخت آ پی ٹی آئی نا محسن لغاری و جی ڈی اے نا غوث بخش مہر حکومت آ زور شاغار کہ سپریم کورٹ نا فیصلہ نا رد اٹ گچین کاری تیکن پیسہ جاری کننگے‘ ہندا سوب آن بل اتنگ نا جاگہ غا الیکشن کمیشن ءِ پیسہ تننگے۔ دیوان اٹ وزیراعظم شہباز شریف ہم ساڑی ئس۔ قومی اسمبلی نا دیوان 26 اپریل 2023 چار شنبے چار بجہ اسکان ملتوی کننگا۔
(آن لائن)