’سپریم کورٹ پریکٹس اینڈ پروسیجر ایکٹ‘ آ عمل کپننگ نا پرمان

پارلیمنٹ ءِ شرف ایتنہ، مننگ کیک کہ عدالتی کمکار اس پن کننگے، پاکستان بار کونسل و سپریم کورٹ بار تے نوٹس جاری کینہ، اٹارنی جنرل، حکومت و سیاسی جماعت آتے ہم نوٹس جاری کننگک، چیف جسٹس نا ریمارکس

0

Get real time updates directly on you device, subscribe now.

اسلام آباد : سپریم کورٹ آف پاکستان ’سپریم کورٹ پریکٹس اینڈ پروسیجر ایکٹ‘ آ بروک آ پرمان اسکان عملدرآمد ءِ تورے۔ سپریم کورٹ اٹ سپریم کورٹ پریکٹس اینڈ پروسیجر ایکٹ انا برخلاف درخواست آتیا سماعت مس‘ ہراکان گڈ پرمان ءِ جاری کننگاس پریم کورٹ پریکٹس اینڈ پروسیجر ایکٹ انا برخلاف درخواست آتا سماعت نا پرمان 8پنہ غا تالان ءِ ہرادے چیف جسٹس آف پاکستان جسٹس عمر عطا بندیال نوشتہ کرینے‘پرمان اٹ پاننگانے کہ سپریم کورٹ پریکٹس اینڈ پروسیجر ایکٹ انا برخلاف 3 درخواست ءِ سماعت کن پک کننگا۔ ایکٹ بادی النظر اٹ عدلیہ نا آجوئی و تہہ انا باندات آتے ٹی نیام تمنگ اسے‘ دا وخت آ عبوری پرمان جاری کننگ المی ءِ۔ داکان مست چیف جسٹس آف پاکستان نا واکداری تابابت منظور کروک سپریم کورٹ پریکٹس اینڈ پروسیجر بل 2023 انا برخلاف دائر کروک درخواست آتیا سپریم کورٹ اٹ سماعت ناوخت آ جسٹس عمر عطا بندیال ریمارکس تس کہ جاچ ہلنگک کہ دا باندات آتے ٹی آئینی خلاف ورزی تو متنے۔ سپریم کورٹ نا کنڈآن ٹہیفوک 8 باسکی لارجر بینچ ’سپریم کورٹ پریکٹس اینڈ پروسیجر بل 2023‘ نا برخلاف دائر کروک 4 درخواست نا سماعت ءِ کرے۔ 8 باسکی لارجر بینچ اٹ چیف جسٹس عمر عطا بندیال تون اوار جسٹس اعجاز الاحسن، جسٹس منیب اختر، جسٹس مظاہر علی اکبر نقوی، جسٹس محمد علی مظہر، جسٹس عائشہ ملک، جسٹس اظہر حسن رضوی و جسٹس شاہد وحید اوار ءُ‘ سماعت نا بنا ٹی درخواست گزار راجا عامر نا وکیل امتیاز صدیقی دلیل ترسا پارے کہ ساڑی حالیت آتے ٹی دا مقدمہ بھاز اہم ءِ۔ قاسم سوری کیس آن پد سیاسی تفریق بھاز زیات مسنے‘ قومی اسمبلی نا بحالی آن پد آن سیاسی تنکی ودا۔ امتیاز صدیقی ایڈوکیٹ پارے کہ بنجائی حکومت و الیکشن کمیشن گچین کاری کرفنگ خواپسہ‘ عدالت ءِ گچین کاری کرفپننگ آ ازخود نوٹس ہلوئی تما‘ عدالت الیکشن کمیشن ءِ گچین کاری کرفنگ نا پرمان کرے۔ 3 اپریل آ عدلت دوارہ گچین کاری کرفنگ نا پرمان کرے‘ آئین آ عمل کننگ نا عدالتی پرمان آن پد ویل آک ودی مسر‘ عدالت و جج آتا ذات آ تنقید کننگا‘ وزیرو پارلیمنٹ نا باسک آک دانا زموار ءُ۔ داوخت آ چیف جسٹس تینا ریمارکس اٹ مستی پارے کہ پاکستان بار کونسل و سپریم کورٹ بار ءِ نوٹس جاری کینہ‘ بنجائی حکومت‘ اٹارنی جنرل و سیاسی جماعت آتے ہم نوٹس جاری کینہ۔ اوکان گڈ عدالت اٹارنی جنرل، سیاسی جماعت و پڑک آتتون اوار پاکستان بار کونسل و سپریم کورٹ بار ءِ ہم کمک کن نوٹس جاری کرے۔

(آن لائن/ مانیٹرنگ ڈیسک)

Get real time updates directly on you device, subscribe now.

Leave A Reply

Your email address will not be published.