آپریشن نا بابت فاٹا باسک آتا گڑتی تے اینک کننگے، شہباز شریف

اسلام آباد : وزیراعظم شہباز شریف پارینے کہ طالبان تا برخلاف داسہ نا آپریشن نابابت فاٹا نا باسک آتا گڑتی تے اینک کننگے‘ سنجیدگی اٹ ورندی تننگک و پورو وڑ اٹ است جم کینہ‘ دا خیال آتا درشانی ءِ او پنچ شنبے نادے قومی اسمبلی نادیوان اٹ کرے‘ اوپارے کہ جمعہ نا دے ان کیمرہ دیوان بٹنگ انگانے۔ فاٹا نا باسک آتا رواانگا گڑی تے اینک کننگے‘ فاٹا نا باسک آک جنگ کریر و سنجیدگی اٹ ورندی تننگک۔ اوفتے پورو وڑ اٹ است جم کینہ‘ قومی اسمبلی نا مچ آہاؤس ءِ ان کیمرہ بریفنگ تننگک۔ باسک آک خوارہ تو پگہ سوج ہم کننگ کیرہ‘ حالیت آتے خراب کروک ءُ ہیت ہچ کننگپک‘ حالیت آتا گچینی کن کوشست کننگک۔ قومی اسمبلی نا دیوان اسپیکر راجہ پرویز اشرف ناکماشی ٹی سوا گھنٹہ ہُرے آ بنا کرے تو اسمبلی ناباسک علی وزیر پارے کہ قومی سلامتی کمیٹی ٹی قبائلی علاقہ غاتے ٹی اسہ پین آپریشن اسے نا ہیت کننگانے‘ ہراتم پروڈکشن آرڈر جاری مس دیوان اٹ بشخ ہلکٹ‘ ای پاریٹ میاں صاحب ہچ ءُ ناجائز ءُ فرمائش اس اف ساڑی پالیسی ءِ بدل کروئی مریک‘ کنا خواست بس ہندادے‘ شریدار آک پاریر کہ ہندا ویل مہاجر، پشتون و بلوچ آتا ہم ارے‘ننے معلوم مس کہ جی ایچ کیو ءِ ہم پت اٹ ہلنگتنے‘ ہرا جرنیل آک ءُ چاہے او ریٹائر مسنو اول اٹ اوفتا برخلاف کارروائی کننگے، ہرا بیوروکریٹ آک رابطہ ٹی ءُ یا کمکار ءُ اوفتا برخلاف کارروائی کننگے‘ تانکہ گند تالان کروک آتا برخلاف کارروائی کننگپک ہمو وخت اسکان ہچ ءُ آپریشن اسے نا موکل تننگ مفک‘ ای حکومت آن خواست کیوہ کہ قبائلی علاقہ غاتے ٹی آپریشن ءِ توننگے‘ بے ایمنی تالان کروک آک داسہ وزیرستان آن زیات ملک انا سیٹل ایریاتے ٹی بسنو۔ اوغانستان اٹ طالبانک بسر ملک اٹ مٹھائی بشخنگا۔ مستین نا اوغان حکمران تتون پاکستان نا ویل و اختلاف آک مسنو۔ پاکستان طالبان تے اتنگ کن بھاز کوشست کرے تو او بسر‘ داسہ اوفتا برخلاف ہیت مننگ اٹی ءِ۔ ننے تینا پالیسی تا اولسر جاچ ءِ ہلوئی مریک۔

(آن لائن)