بلوچستان، رمضان پیکیج اٹ 180کروڑ روپئی تخنگانے، مٹھا کاکڑ

کوئٹہ : حولکاری سلاہکار بلوچستان مٹھا خان کاکڑو وزیراعلیٰ بلوچستان نا ترجمان بابر یوسفزئی پارینے کہ حکومت ناکنڈآن بلوچستان نا 36ضلع ٹی رمضان پیکج نا رد اٹ اسہ ارب 80کروڑ روپئی نا گڑا اسہ لکھ خاہوت اٹ بشخنگ ناچرجوئی برجاءِ ہراٹی ہر ضلع ءِ2500 پیکج تننگانے‘ دا گڑاک بیرہ غریب و حقدار آتیکن ءُ۔ دا خیال آتا درشانی ءِ او پنچ شنبے نا دے کوئٹہ پریس کلب اٹ پریس کانفرنس نا وخت آ کرے۔او پارے کہ بلوچستان پد تموک ءُ صوبہ اسے‘ نوکاپ نا بھسکاری و ودوک آ کبینی ءِ مون آ تخسا الس نا سختی تا سوب آن وزیراعلیٰ بلوچستان میر عبدالقدوس بزنجو رمضان المبارک نا برکتی آ تُو اٹ غریب الس ءِ آسراتی فراوان کننگ کن صوبہ نا غریب آتے راشن تننگ نا فیصلہ کریسس ہرانا رد اٹ بلوچستان نا 36ضلع ٹی رمضان پیکج تننگ انگ ءِ‘ حکومت کوشست کننگ اٹی ءِ کہ وزیراعلیٰ نا وژن نا وڑ اٹ رمضان پیکج نا رد اٹ اسہ لکھ غریب بندغ آتے دا راشن تننگے و اوفتے روچہ نا تُو اٹ فریشانی تیان نجات رسینگ کے۔ اسہ لکھ خاہوت ءِ راشن تننگ آ جم وڑ اٹ اسہ ارب ارب 80کروڑ روپئی نا دا پیکج نا مسخت تینا بندغ آتے ریلیف تننگ ءِ‘ مچ آ بلوچستان اٹ راشن بشخنگ نا عمل نابنا مسے‘ او پارے کہ بلوچستان مہالو آن پد تموک ءُ صوبہ اسے مخلوق نا فریشانیک زیات ءُ‘ نوکاپ نا بھسکاری و ودوک آکبینی نا سوب آن بلوچستان نا بندغ آک کل آن زیات زہمی مسنو‘ ہندا سوب آن دا گام ءِ ہرفنگا‘ او پارے کہ ہر ضلع ٹی 2500 پیکج تننگ انگ ءِ۔

(آن لائن)