بلوچستان پولیس اٹ نیاڑی کانسٹیبل آتیا تالان اینٹی رائٹ ونگ جوڑ

کوئٹہ: بلوچستان پولیس اٹ نیاڑی کانسٹیبل آتا اینٹی رائیٹ ونگ اس جوڑ کننگانے۔ ہراٹی 40 ٹریننگ کروک ءُ نیاڑی کیڈٹ آتے اوار کننگانے۔ ویمن اینٹی رائٹ ونگ نا جوڑی ساڑی دور انا عسکری گرج آتیان اسٹ اسے۔ ویمن اینٹی رائٹ یونٹ بلوچستان پولیس نا اولیکو انقلابی گام گیج اسے۔ دا یونٹ دا وخت اسکان کراچی، لاہور و پشاور اٹ جوڑ کرینے۔ دا یونٹ بنائی وڑاٹ کوئٹہ ٹی جوڑ کرینے۔ دانا دائرہ ءِ پین ڈویژن و ولدا ضلع نا کہول آ دننگک۔ دا خیال آتا درشانی ءِ آئی جی پولیس بلوچستان عبدالخالق شیخ پولیس لائن ہیڈکوارٹر اٹ اولیکو نیاڑی اینٹی رائٹ ونگ تون اڈ ہلوک دود آن تران کرسا کرے۔ او پارینے کہ گیشتری وخت آک ہندن مریرہ کہ ہراتم نم برانز اسے پرغنگ کن کارے تو یات تخنگے کہ او عام حالیت اٹ کانود نا منوک ءُ شاری مریرہ۔ یات سلے دا کنا نمے پارت ءِ کہ نم کم و ود طاقت تون کاریم اٹ اتنگے و دا وخت طاقت نا کاریم اٹی اسل تینا غصہ ءِ اوار کپیرے۔ آئی جی بلوچستان تینا تران اٹی مستی پارینے کہ برانزی تیٹی ہنگامہ و برانز نا وخت آ غم و غصہ دا وخت انا حکومت یا پولیس محکمہ نا بر خلاف تو مننگ کیک ولے نما جند انا برخلاف اسل مفک۔ دادے تینے آ ہلپیرے وخت اس کہ کوشست کیرے کہ امن و ایمنی نا خطرہ غاتے ایسر کننگ و اُلس نا دڑدک ءِ کم کننگ اٹ کڑد ادا کیرے۔ آئی جی بلوچستان پولیس عبدالخالق شیخ پارینے کہ امن اتنگ پولیس نا بنداوی ءُ زمواری اسے۔ پولیس نا اصلاحات نا کاریم ءِ سرسہبی اٹ اڈ تننگ کن پولیس کارندہ غاتا کچ اسٹ آن ارٹ کننگانے۔ کہ نیاڑیک دا مقدس آ پیشہ ءِ گچین کننگ آ فخر کیر۔

(خ ن)