پبلک اکاؤنٹس کمیٹی نا دیوان، ہائر ایجوکیشن کمیشن نا آڈٹ اعتراض آتا جاچ

اسلام آباد: پبلک اکاؤنٹس کمیٹی نا دیوان پنچ شنبے نادے آ پارلیمنٹ ہاؤس اٹی پی اے سی نا چیئرمین نور عالم خان نا کماشی ٹی مس۔ دیوان اٹی پی اے سی نا باسک آتون اوار تعلقدار سرکاری ادارہ غاتا آفیسر آک بشخ ہلکر۔ دیوان اٹی ہائر ایجوکیشن کمیشن نا 2021,2020و 2022نا آڈٹ اعتراض آتا جاچ ءِ ہلنگا۔ آڈٹ اعتراض آتا جاچ اٹی یوایس نیڈ بیس سکالر شپ نا بابت آڈٹ کمامدارآک پی اے سی ءِ پاریر کہ اسکالر شپ نا بابت ایچ ای سی ٹارگٹ ءِ پورو کننگ کتو، ڈونر زر ہمووخت آ فراوان کیک ہراتم یونیورسٹی اسکالرشپ آ داخلہ کیک وخت اس کہ دا داوڑکننگ اٹ بے سہب مسنے ہرانا سوب آن دا زر زیان ہنانے۔ پی اے سی دا باندات نا جاست وپاست نا پرمان ترسا پارے کہ دا باندات ءِ ڈی اے سی ٹی سجفنگے۔ نور عالم خان پارے کہ تعلیم چناتا آخبت نا باندات ءِ داٹی ڈیوالئی ءِ گوجالنگ مفک۔ پی اے سی چندی یونیورسٹی تا کنڈآن ملک انا مر مر انگا علاقہ غاتیٹی برخلاف کانود اکاؤنٹس ملنگ نابابت ایچ ای سی نا ورندی آ است جم مفننگ نا درشانی ءِ کرساغٹ آڈٹ اعتراض آتیا اول سرآن ڈی اے سی کننگ نا پرمان کرے۔

(اے پی پی)