اُلس ءِ طبی آسراتی تننگ کن گام گیج کروئی تمک‘ عائشہ زہری

نصیر آباد : ڈپٹی کمشنر نصیر آباد عائشہ زہری درے ننکان ٹیچنگ ہسپتال ڈیرہ مراد جمالی نا دورہ ءِ کرے۔ او ٹراما سینٹر نا سفائی، ناجوڑ آتا درمان و کمامدار آتا حاضری نا جاچ ءِ ہلک۔ وخت اس کہ زچگی ٹی آپریشن مروک ءُ اسہ نیاڑی اسے نا جانپڑسی ءِ کرے۔ تحصیلدار مجیب الرحمٰن ساتکزئی ہم اوڑتون اوار ئس۔ او وخت آ ہسپتال نا میڈیکل سپرنٹنڈنٹ ڈاکٹر ایاز جمالی، چیف لیڈی میڈیکل آفیسر ڈاکٹر خالدہ سلطان مینگل، سینیئر میڈیکل آفیسر ڈاکٹر عبدالرحمن ہاشمی میڈیکل ٹیکنیشن نواب خان بھنگر ڈسپنسر خیر بخش پرکانی و ایلو ڈیوٹی اسٹاف ساڑی ئسر۔ ڈپٹی کمشنر نصیرآباد عائشہ زہری ڈیوٹی آ ساڑی کمامدار آتا ساڑی گری نا ستا ءِ کرسا پارینے کہ اُلس ءِ طبی آسراتی نا فراوانی جوان ءُ گام اسے۔ آخبت اٹ ہم ہندن سرپرائز وزٹ کننگک۔ ہرانا بنداوی مسخت اُلس نا مفاد آتیٹی گام گیج کروئی ءِ۔ ڈاکٹر و پیرا میڈیکل اسٹاف آ لازم ءِ کہ او دے نن بیدس فرق آن خدمت اٹ اختہ مرے۔

(خ ن)