جانجوڑی نا بابت اٹ ہچ ءُ ڈیوالئی اس سگپنہ‘ سوبان سلیم دشتی
Get real time updates directly on you device, subscribe now.
لورالائی : ڈپٹی کمشنر لورالائی سوبان سلیم دشتی نا کماشی ٹی ڈسٹرکٹ ہیلتھ کمیٹی نا دیوان اڈ ہلک۔ دیوان اٹ ڈپٹی کمشنر لورالائی ءِ محکمہ جانجوڑی ڈسٹرکٹ ہیلتھ آفیسر میاں ناصر شیخ جانجوڑی نا بابت اٹ بریفنگ ہم تس۔ دیوان اٹ ہیلتھ نا بشخ انا جوانی کن جتا جتا فیصلہ کرے۔ دیوان اٹ ڈسٹرکٹ ہیلتھ آفیسر میاں ناصر شیخ، میڈیکل کالج نا پرنسپل ڈاکٹر محمد سلیم، ڈاکٹر محمد فہیم اوتمانخیل، ایم ایس ڈاکٹر رشید ناصر و ایلو افسرک ہم بشخ ہلکر۔ دیوان آن ڈپٹی کمشنر لورالائی سوبان سیلم دشتی تران کرسا پارینے کہ محکمہ جانجوڑی لورالائی ءِ ساڑی دور انا گرج آتیان معلومدار کننگک و ضلع لورالائی ٹی جانجوڑی ءِ پین فعال کننگک۔ جانجوڑی نا بابت اٹ ہچ ءُ ڈیوالئی اس سگپنہ۔
(خ ن)