حالیت آتا گچینی کن اسیجائی حکمت عملی نا گرج ءِ، اسلم بزنجو/ اختر مینگل

ساڑی سیاسی علاقائی حالیت آتا رداٹ گچین ءُ بد اسے کن مثبت رویہ، تین پہ تینی کمکاری، و اصولی سیاست نا گرج ءِ

0

Get real time updates directly on you device, subscribe now.

کوئٹہ: نیشنل پارٹی نا مرکزی کمیٹی نا باسک مسکوہی صوبائی وزیر سردار محمد اسلم بزنجو نا کماشی ٹی ڈل بلوچستان نیشنل پارٹی نا سروک سردار اخترجان مینگل تون وڈھ خضدار اٹی اوڑدہی کرے۔ ڈل اٹی نیشنل پارٹی نامرکزی کمیٹی نا باسک و خضدار نا ضلعی صدر ایڈووکیٹ حمید بلوچ، نیشنل پارٹی نا سرکڑدہ راہشون و میئر خضدار میر عبدالرحیم کرد اس اوار ئسر۔ اوڑدہی ٹی سیاسی و علاقائی حالیت آتیا سرجمی اٹ گپ وتران کننگا۔ ہڑتوم آ راہشونک داہیت آ زور شاغار کہ ساڑی سیاسی علاقائی حالیت آتا رداٹ گچین ءُ بد اسے کن مثبت رویہ، شیفکوکہول آ نظریہ غاتا کاربند سیاسی کارندہ غاتا نیام اٹ تین پہ تینی کمکاری و پت سازی و اصول پسند ہم خیال قوت آتا نیام اٹ سیاسی چاگڑد ءِ سازگار کننگ کن اسیجائی حکمت عملی اس جوڑ کننگ نا گرج ءِ۔ ساڑی ودی مروک ویل آتیا زوت آتے ات سے جماعتی سیوت نا دیوان اٹی غٹ باندات آتیا سجفنگک۔ داوخت آ بی این پی نا مرکزی راہشون ڈاکٹر عبدالقدوس کرد بلوچستان اسمبلی نا باسک بابو رحیم مینگل و احمد نواز بلوچ تون اوار بہادر خان مینگل شکیل مینگل و ایلو راہشونک ہم ساڑی ئسر۔

(اے پی پی)

Get real time updates directly on you device, subscribe now.

Leave A Reply

Your email address will not be published.