اقوام متحدہ، قرآن پاک نا بے شرفی نا برخلاف پاکستان نا قرارداد منطور
نیویارک : اقوام متحدہ نا انسانی حق کونسل اٹ قرآن پاک نابے شرفی نا برخلاف پاکستان نا قرارداد ءِ منظور کننگا‘قرارداد اٹ قرآن پاک نا بے شرفی تون اوار مذہبی منافرت نا مذمت کننگا‘ حوال نا رد اٹ اقوامِ متحدہ نا انسانی حق کونسل اٹ قرآن پاک نا بے شرفی نا برخلاف قرارداد منظور کننگا۔ پاکستان ناکنڈآن پیش کروک قرارداد اٹ قرآن پاک نا بے شرفی تون اوار مذہبی منافرت نا مذمت کننگا۔ قرارداد اٹ ریاست آتیا مذہبی منافرت نا توننگ کن کانود جوڑ کننگ آزور شاغسا پاننگا کہ آجوسلاہ درشانی نا مطلب بدبیسئی‘ بیدادی و امتیازی سلوک تالان کننگ اف۔ قرارداد اٹ پاننگاسس کہ دا وڑ انا واقعہ غاک مخلوق ءِ خار تننگ و بدبیسئی تالان کننگ آنبار ءُ‘ بایدے کل مذہب نا مخلوق نا اسٹ ایلو نا عقیدہ غاتا شرف ءِ کیر۔ قرارداد اٹ خواست کننگا کہ قرآن پاک نا بے شرفی نا زموار بندغ آتے انصاف نا کٹہرے ٹی سلفنگے و زموار آتا برخلاف دمدستی کارروائی کننگے۔ انسانی حق کونسل نا 28 باسک پاکستان نا قرارداد نا مخ تفی ءِ کریر وخت اس کہ امریکہ و یورپی یونین تون اوار دوانزدہ باسک مخالفت اٹ وونٹ تسر وخت اس کہ ہفت باسک ووٹنگ نا عمل اٹ بشخ ہلتوس۔
(آن لائن)