سیوتی حکومت سختی تیان پد ہم زرگزران ءِ نت تیا سلفے، نواز شریف
Get real time updates directly on you device, subscribe now.
جدہ : مسکوہی وزیراعظم و مسلم لیگ (ن) نا قائد نواز شریف پارینے کہ اسہ اناڑی سے نا دوٹی ملک ءِ تننگ ناپد ءِ کل خنار‘ ہرا کل گڑاتے بھس کرے‘ نن دوارہ حکومت اٹ برسا شونداری نا سفر ءِ ہموکان بنا کینہ ہراکان چٹاسس۔ ن لیگ ءِ مچ آ ملک اٹ فعال و متحرک کننگ نا ٹاسک ءِ مریم نواز ءِ تننگانے‘ دا خیال آتا درشانی ءِ او مسلم لیگ ن سعودی عرب نا عہدیدار آتتون ہیت وگپ کرسا کرے‘ نوازشریف پارے کہ ملک ءِ دوارہ شونداری نا کسر آ روان کننگ کن پرعزم ان‘ اناڑی نا دوٹی ملک ءِ تننگ نا پد ءِ کل خنار‘ دا اناڑی ہر ادارہ و ہر بشخ ءِ بھس کرے‘ پاکستان نا کل مشکل آتا سوب ہندا اسہ بندغ ءِ‘سیوتی حکومت سختی تیان پد ہم زرگزران ءِ سنبھالا‘ ن لیگ بروک آ لس گچین کاری تے ٹی سرسہبی دوئی کیک‘ شونداری نا سفر ہراڑے سلیسوسس ہموکان بنا کینہ تے۔
(آن لائن)