سنگت ملک آتا ڈیپازٹ آتیان پد زرگزرانی سوگوی بریک، سینیٹر شیری رحمان
Get real time updates directly on you device, subscribe now.
اسلام آباد: بنجائی وزیر موسمیاتی بدلی و چاگڑدی رابطہ سینیٹر شیری رحمان پارینے کہ آئی ایم ایف پروگرام نا منظوری و سعودی عرب نا کنڈآن اسٹیٹ بینک اٹی 2 ارب ڈالر ڈیپازٹ کرفنگ آن پد زرگزرانی سوگوی نا اومیت ءِ، تحریک انصاف نا مسکوہی حکومت پاکستان کن ہرا زرگزرانی مین ءِ ودی کریسس اوڑان نن کرار کرار آ پیش تمنگ اُن۔ چارشنبے نادے آ تینا اسہ ٹویٹ اسے ٹی او پارے کہ مسکوہی حکومت پاکستان ءِ ڈیفالٹ کرفنگ نا پبی کوشست کرے، دا پوسکن آحکومت کن میرات اٹ ریکارڈ وام و الس کن زرگزرانی تنکی ہلسا ہناسس۔ تحریک انصاف حکومت اٹ رہینگسا آئی ایم ایف نا معاہدہ نا خلاف ورزی ءِ کرے تانکہ سیوتی حکومت ءِ زرگزرانی نزوری تون مون تروئی تمے۔ اوآئی ایم ایف معاہدہ ءِ لتاڑنگ کن ہرممکن پروپیگنڈا کرے و چٹھی اس نوشتہ کرے۔ بنجائی وزیر پارے کہ تحریک انصاف نا نابود حکومت ملکی زرگزران ءِ ہرادنگ آ سرکریسس اوڑان پیش تمنگ اٹ داسکان بھاز وخت لگک۔
(اے پی پی)