پاکستان اٹ پیسہ خلنگ کن چینی کاروباری ادارہ غاتے بخیر اٹ پانہ، احسن اقبال

0

Get real time updates directly on you device, subscribe now.

بیجنگ: بنجائی وزیر ڈٹ بندی، شونداری و خصوصی گام گیج احسن اقبال پارینے کہ برجاسال پاک۔چین اقتصادی راہداری نا بنانا دہ می سال دے ءِ اڈتننگ انگ ءِ، پاک۔ چین اقتصادی راہداری پاکستان نا زرگزرانی حالیت آتے بدل کننگ اٹ اہم ءُ کڑد اس ادا کرے۔ چائنا میڈیا گروپ ءِ انٹرویو ٹی اوپارے کہ او تینٹ پاک۔ چین اقتصادی راہداری نا شونداری نا گواہ ءِ، 10 سال اٹی دوئی کروک پبی بھرمک پاکستان اٹ صنعت کاری، جدیدیت و تین پہ تینی رابطہ کن گچین بنداو نا تعمیر ءِکرینو، و پاکستانی الس کن شونہالی ایسونو۔ اوپارے کہ سی پیک اسہ وژن آن توانائی، بنداوی تنصیب، انفارمیشن ٹیکنالوجی، زرگزرانی و معاشرتی شونداری تون وابستہ چندی ڈٹ آتیٹی بدل مس ہرافتا کچ 25 ارب ڈالر آن زیات ءِ، داوخت آ سی پیک تعمیر نا ارٹ میکو ریسہ ٹی پترینگانے ہرانا رداٹ پاکستان نا صنعت کاری، ٹیکنالوجی، کشت وکشار تون اوار بشخ آتیٹی کمکاری آ چکار کننگک۔ اوپاکستان اٹ زر خلنگ کن چینی کاروباری ادارہ غاتا ستاءِ کرے۔ اوداپت انا درشانی ءِ کرے کہ گیشتر و سوگو کمکاری نا سوب آن ہڑتوم آ ملک آتا تعلقداری خڑک آن خڑ ک تر مرسا کننگ ءِ۔

(اے پی پی)

Get real time updates directly on you device, subscribe now.

Leave A Reply

Your email address will not be published.