بغاوت نا مقدمہ نا بابت عمران خان نا درخواست آ فریق آتے نوٹس
اسلام آباد ہائیکورٹ عمران خان نا بروک آ سماعت آ ویڈیو لنک پیشی نا بابت کانودی ٹک آتیا دلیل بٹنگا
Get real time updates directly on you device, subscribe now.
اسلام آباد: مسکوہی وزیر اعظم عمران خان نا بابت جتا جتا عدالت آتیٹی مروک کیس آتا پیشرفت آتا رد اٹ اسلام آباد ہائی کورٹ مسکوہی وزیراعظم عمران خان نا بغاوت نا مقدمہ نا خارج کننگ کن دائر درخواست آ فریق آتے نوٹس جاری کرسا مدعی مقدمہ ءِ ذاتی حیثیت اٹ بٹنگانے۔ چارشنبے نادے آ اسلام آباد ہائی کورٹ نا چیف جسٹس عامر فاروق تھانہ رمناٹی نوشتہ بغاوت نا مقدمہ ءِ خارج کننگ نا عمران خان نا درخواست آسماعت کرے۔ عمران خان نا وکیل فیصل چوہدری عدالت اٹ پیش مس و موقف تینا کرے کہ باندات لاہور اٹی مس، پرچہ اسلام آباد اٹی مس۔ عدالت فریق آتے نوٹس جاری کرسا مدعی مقدمہ علاقہ مجسٹریٹ ءِ بروک آ سماعت آ ذاتی حیثیت اٹ بٹنگا۔ وکیل فیصل چوہدری خواست کرے کہ بروک آ سماعت اسکان ایف آئی آر آ کارروائی ءِ تورے ہراڑا عدالت ریمارکس تس کہ نوٹس کرینن، ورندی برے ولداہرنہ۔ عدالت سماعت ءِ غیرمعینہ مد اسکان کن پدبٹے۔ داکان بیدس اسلام آباد ہائی کورٹ عمران خان نا ویڈیو لنک انا کمک اٹ پیشی نا درخواست آ بروک آ سماعت آ ویڈیو لنک انا کمک اٹ پیشی نا بابت کانودی ٹک آتیا دلیل بٹنگا۔ چارشنبے نادے آ اسلام آباد ہائی کورٹ عمران خان نا ویڈیو لنک انا کمک اٹ پیشی نا درخواست آ سماعت عدالت عالیہ نا چیف جسٹس عامر فاروق کرے۔ عدالت بروک آ سماعت آ ویڈیولنک انا کمک اٹ پیشی نا بابت کانودی ٹک آتیا دلیل بٹنگا سماعت اٹی وکیل ابوذر سلمان خان نیازی دلیل تس وخواست کرے کہ عدالت آخبت کن زوت انا تاریخ اس ایتے، عدالت برو ک آ سماعت آ ویڈیو لنک انا کمک اٹ پیشی نا بابت کانودی ٹک آتیا دلیل بٹنگسا سماعت ءِ 18 اپریل اسکان پدبٹے۔ ہندن لاہور ہائیکورٹ عمران خان ءِ تحریک انصاف نا چیئرمین نا عہدہ غان اینک کننگ کن درخواست آ ہائی کورٹ رجسٹرار آفس نا اعتراض ءِ چٹفے۔ لاہور ہائی کورٹ نا جسٹس عابد حسین چھٹہ جنید احمد نا درخواست آ چارشنبے نادے اعتراضی سماعت کرے۔ ہائی کورٹ آفس درخواست آ اعتراض خلک کہ اسہ وڑنا درخواست ءِ وار وار آ دائر کننگ مفک۔ عدالت اعتراض ءِ چٹفے و دا سفارش تون درخواست ءِ چیف جسٹس لاہور ہائی کورٹ آ گدریفے کہ اودے بنچ اسے نا روبرو پیش کننگے۔
(اے پی پی)