دہشتگردی نا ندارہ و لاش، تے نشان تننگ جوان اف، مریم اورنگزیب

اسلام آباد: بنجائی وزیر حوالکاری و شینکاری مریم اورنگزیب پارینے کہ دہشت و بیدادی والا منظر آتے ٹی وی آ چلیفپننگ نا ضابطہ اخلاق نا بابت پیمرا آرڈر آ گڑاس گڑتی مون آ بسنے، دا آرڈر اٹی دہشت گردی، اوکان پد انا منظر، لاش، بھسکاری تے نشان تفننگ نا پاننگانے، دا پرمان نا بنداوی مسخت الس ءِ خوف وبھیم آن بچفنگ ءِ، دہشت گرد آتا اصل مسخت و ہدف الس اٹ خوف و خلیس تالان کننگ ہی مریک۔ چارشنبے نادے آ تینا ٹویٹ اٹی بنجائی وزیر مریم اورنگزیب پارے کہ مچ آ دنیا ٹی دا دنگ متعین ءِ، ہر زموار ادارہ و آرگنائزیشن اونا پاسداری ءِ کیک۔ دہشت گردی نا کارروائی تا کوریج نا اسہ جہانی ضابطہ اسے، دا ملکی کانود نا بشخ ءِ، مچ آ دنیا ٹی دا ضابطہ غاتیا بلااستثنیٰ عمل مریک۔ اوپارے کہ دہشت گردی نا واقعہ غاتا براہ راست نشریات نشان تننگ آن دہشت گرد آتے ہم کمک ملک، آپریشن آن پد انا حساس معلومداری ہم شرپسند آتے ملک۔ اوپارے کہ آجوئی درشانی ناحق ءِ مقدس سرپند کینہ،دا حق اکن نن مدام جہد کرینے، آجوئی سلاہ آ سمجھوتہ کپرسا کانود آ عمل کینہ۔

(اے پی پی)