چینی سائنسدان و صنعت کار آتا ڈل 27 اپریل آ پاکستان نا دورہ ءِ کیک
Get real time updates directly on you device, subscribe now.
اسلام آباد : اسلامی کمکار تنظیم (او آئی سی) نا باسک ملک آتیٹی روایتی دوائی و اوفتے تون گنڈوک بائیو میڈیکل سائنسز اٹ کمکاری ءِ سوگو کننگ کن چینی سائنسدان و صنعت آتا اسہ بڑزکو کہول انا ڈل اس پاکستان نا دورہ ءِ کیک۔ اسلامی کمکار تنظیم نا ذیلی ادارہ کامسٹیک نا رداٹ چینی سائنسدان و صنعت کار آتا ڈل ادارہ جاتی و صنعتی روابطہ غاتا کمک اٹ قدرتی مصنوعات، بائیو ٹیکنالوجی، مالیکیولرو سیل بائیولوجی و روایتی دوائی تا بشخ آتیٹی پٹ وپول و شونداری ٹی کمکاری ءِ مون آ دننگ کن مفاہمت نا یات داشت آ دستخط کننگ کن 27 اپریل آ اسلام آباد اٹی کامسٹیک سیکرٹریٹ نا دورہ ءِ کیک۔ مفاہتی یات داشت آ دستخط آن السی جمہوریہ چین و اوآئی سی نا باسک ملک آتا نیام اٹ علمی و پٹ وپولی گام گیج آتے سوگو کننگ اٹ کمک رسینگک۔ دستخطی دود انا وخت آ دا سرحال آ سائنس دان و چین اٹی دواسازی نا صنعت آتا نمائندہ غاتا اہم ءُ گپ وتران اس ہم مریک۔
(اے پی پی)