اکرم مینگل (برج میزان)

ملک محمد اکرم مینگل (ودی دے 10 اکتوبر1964ء) برج ”میزان“ (Libra) ءِ۔ استار ”زہرہ“ (Venus) ءِ۔ ودی دے ئی عدد (ودی دے 10 اکتوبر 1964ء) ”1“ءِ۔ مرکب عدد تے (Akaram Mengal 1+2+2+1+4=10, 4+5+5+3+1+3 –10+21=31)

”31“ءِ۔

برج ”میزان“، دور ”23 ستمبر آن 23 اکتوبر اِسکان“، دروشم ”ترازو“، کلید وجود ”محبت، دوستی، فنکاری“، مزاج ”بادی“، پیشن نا ہزوہ ”مخ“، تہہ انا ہزوہ ”بک“، ہجی حرف آک ”ت، ٹ، ر، ط“، جم وڑ اٹ مزاج نا اثر آک ”بھاز ذہین، لوز آتے زیبداری اٹ کاریم اٹ اتوک آ نوشتکار“ ءِ۔ تعلقدار برج آک ”جوزا، دلو“، مخالف برج آک ”حمل، سرطان، جدی“، غیر جانبدار برج آک ”ثور، حوت“ ءُ۔

برج ”میزان“ نا خواجہ حساس طب مریک، شونداری و سرسہبی کن مدام نت دو خلوک مریک، دوستی ٹی کچ آن گدرینگوک و طب اٹی حساس مریک۔ ایلوفتیان زو متاثر مریک، اصول آتا پابند ولے مزاج تصوراتی مریک و عمل آن زیات سوچک۔

اکرم مینگل تینا ودی دے ئی عدد ”1“ نا رد اٹ محنتی و مدام سرسہبی و شادامی کن کوشست کروک و منفرد مزاج ءِ۔ دانشوری اونا خمیر اٹی ساڑی ءِ، کتاب آتا مطالعہ اونا جوان اِنگا مشغولی ءِ۔

ملک اکرم مینگل نا مرکب عدد ”31“ ءِ۔ ایہن تو دا نمبر نا مطلب کانود ءِ پرغنگ ءِ، ولے بنیادی وڑ اٹ دا مرکب عدد والا بندغ آک تینٹ جوان ءُ شخصیت اسے نا خواجہ مریرہ۔ اوفتے عدد 4، 6، 8 آن تینا خیال ءِ تخوئی تمک، تینا غیر موافق مرکب عدد نا سوب آن ”31“ مرکب عدد نا بندغ تنیائی (یکئی) نا گواچی مننگ کیک۔

ملک اکرم مینگل نا برج (میزان) تون ہرا برج آک موافق مزاج ءُ، اوفتے ٹی ”جوزا، دلو“ ساڑی ءُ۔ مطلب کہ برج ”میزان“ والا ءِ برج ”جوزا“ و برج ”دلو“ والا بندغ آتیان ہچ ءُ خلیس اس اف، اوفتا خیال آتے ٹی اسٹی مریک۔ وخت اس کہ برج ”ثور“ و برج ”حوت“ آن اودے نئے خُلیس اس مننگ کیک نئے کہ اوڑتون ہم خیال مننگ کیک۔ ولے برج ”حمل“، برج ”سرطان“ و برج ”جدی“ آن اودے تینا خیال ءِ تخوئی مریک۔ انتئے کہ دا برج آک اونا برج (میزان) نا مخالف ءُ۔

برج ”میزان“ کہ او 22 ستمبرآن 22 اکتوبر اِسکان ءِ۔ دا برج انا ایلو براہوئی زبان نا شاعر و ادیب آتے ٹی پروفیسر طاہرہ احساس جتک (ودی دے 16 اکتوبر 1955ء)، ڈاکٹر عبدالرزاق صابر (ودی دے 10 اکتوبر 1954ء) ساڑی ءُ۔

ودی دے ئی عدد ”1“ والا براہوئی زبان نا ادیب و شاعر آتے ٹی ہرافتا ودی دے ہر تُو انا 1، 10، 19، 28، 21مارچ آن 21 اپریل یا 21 جولائی آن 28 اگست اِسکان ءُ، اوفتے ٹی عبدالصمد شاہین (ودی دے یکم جنوری 1931ء)، شہزاد غنی (ودی دے 2 اگست1975ء)، عبدالرازق ابابکی (ودی دے 4 اگست 1983ء)، زاہد براہوئی (ودی دے 8 اگست 1976ء)، مراد صابر (ودی دے 10 مارچ 1988ء)، عبدالرزاق صابر (ودی دے 10 اکتوبر 1954ء)، ڈاکٹر غلام سرور پرکانی (ودی دے 10 اگست 1957ء)، غفور جان ساسولی (ودی دے 13 اپریل 1971ء)، ڈاکٹر عنبرین مینگل (ودی دے 13 اگست1973ء)، نیلم مومل (ودی دے 14 اگست 1981ء)، ڈاکٹر تاج رئیسانی (ودی دے 15 اپریل1957ء)، غلام نبی راہی (ودی دے 15 اگست 1939ء)، شاہین بارانزئی (ودی دے 19 جون1974ء)، ڈاکٹر علی احمد شاد (ودی دے 20 دسمبر 1964ء)، بابو عبدالرحمن کرد (ودی دے 21اپریل 1930ء)، عبدالحمید عزیز آبادی (ودی دے 21 اپریل 1967ء)، مولانا عبدالغفور درخانی (ودی دے 22مارچ 1922ء)، غمخوار حیات (ودی دے 25مارچ 1975ء)، نور احمد پرکانی (ودی دے 25 اگست1967ء) اوار ءُ۔

ہفتئی تلار
تاک: 25
09-03 جولائی 2021ء
پنہ: 03