بھارت اینو ہم طالبان تتون کمک کننگ اٹی ءِ، خواجہ آصف
ٹی ٹی پی ءِ پاکستان اٹی دوارہ ؤباد کاری ٹی عمران خان و ہمو وخت انا اسٹیبلشمنٹ نا مخ تفی دوئی ئسکہ،وزیر دافع
اسلام آباد : وزیر دفاع خواجہ آصف پارینے کہ کالعدم ٹی ٹی پی نا راہشون تے پاکستان اٹ دوارہ آباد کننگ عمران خان و اونا حکومت ناحکمت عملی ئس‘ دا آباد کاری ءِ ہمو وخت آ اسٹیبلشمنٹ نا مخ تفی دوئی ئسکہ۔ امریکی میڈیا ءِ تروک انٹرویو ٹی خواجہ آصف پارے کہ اسلام آباد نا کابل اٹ حکمران طالبان راہشون تتون تعلقداری گچین ءُ ولے اوغان طالبان کمامدار آک پاکستان آجلہو تے ٹی تینا ڈغار ءِ کاریم اٹ اتنگ ءِ توننگ نا سرسہب متنو۔کالعدم ٹی ٹی پی اینو ہم پاکستان خاص وڑ اٹ خیبرپختونخوا غا جلہو تے ٹی اوغان ڈغار ءِ کاریم اٹ اتنگ اٹی ءِ۔ ڈی جی آئی ایس آئی تون اوار اوغانستان نا تُو اس مست دورہ ٹی دا باندات آ شرہ کننگاسس و طالبانک دا ویل انا مون ءِ توننگ نا عزم کریسر۔ طالبانک پاریر کہ او تینا ڈغار ءِ دہشتگردی کن اسہ ملک اسے نا برخلاف ہم کاری اٹ اتنگ کن الیپسہ۔ اوغان طالبان وکالعدم ٹی ٹی پی مُری خوارہ۔ وزیر دفاع پارے کہ عمران خان تینا مچ آ سیاسی کیریئر اٹ اشارہ ترسا کرے کہ او طالبان تا نظریاتی وڑ اٹ مخ تفی ءِ کیک۔ کالعدم ٹی ٹی پی نا راہشون تے پاکستان اٹ دوارہ آباد کننگ عمران خان و اونا حکومت نا حکمت عملی ئس‘ و دا آباد کاری ٹی ہمو وخت انا اسٹیبلشمنٹ نا مخ تفی دوئی ئسکہ ولے کالعدم ٹی ٹی پی نا راہشون تے پاکستان اٹ دوارہ آباد کننگ نا حکمت عملی بے سہب مسنے۔ خواجہ آصف پارے کہ کالعدم ٹی ٹی پی نا بندغ آتتون امریکہ نا الوک آ پوسکن آازباب آک ہم اریر وخت اس کہ بھارت اینو ہم طالبان تا کمک ءِ کننگ اٹی ءِ۔
(آن لائن)